صينية البزنجان بالفراخ
فرخة مسلوقة ومقطعه إلى قطع صغيرة.
3 بصلات مقطعة قطع صغيرة
فلفلتين رومى مقطعة قطع صغيرة.
جزرتين مبشورين.
كيلو بزنجان مقلي .
فصين ثوم
كوب صغير جبنة سبرد
علبة قشطة.
ملح وفلفل و بهارات.
الطريقة:
نحمر البصل في معلقتين زيت مع فصين ثوم
ثم يضاف الدجاج إلى البصل المحمر والملح والفلفل والبهارات مع التقليب .
ثم يضاف الفلفل الرومى والجزر ونستمر في التقليب لحد ما يذبل الفلفل والجزر .
ثم يوضع نصف الخليط في صينية وبعدها نضع طبقة من البزنجان المقلى
بحيث يغطى الوجه تماماً بالباذنجان المقلي ثم يضاف علية باقي الخليط الأول .
نضرب بالمضرب علبة القشطة والجبنة ونخلطهم كويس
ثم يغطى بهذه الخلطة وش الصينية وندخلها الفرن
لحد ما الوش يحمر
وبالهنا والشفا
25-08-1426 هـ, 12:11 صباحاً
 
اتفضلى يا احلام
شوربة الجمبرى

نص كيلو جمبري مغسول ومقشر
3 رؤوس سمك
نص كيلو طماطم
2 بصل اخضر
بصلة
ثلاثة فصوص ثوم مهروسين
ورقتين لورا
نص كوب زيت
نص ملعقة صغيرة زعترناشف
رشة زعفران
ملح و فلفل
الطريقة
نشيل الجزء الاخضر من البصل ونقطع البصل نفسة الابيض الى حلقات رفيعة
يقشر البصل ويفرم ناعما ونقطع الطماطم قطع صغيرة
نشوح البصل وحلقات البصل الاخضر فى الزيت على نار هادية مدة خمس دقائق ثم نضع ثلاثة أرباع كمية الجمبرى ورؤوس السمك والطماطم والثوم و الزعتر وورق اللورا والملح والفلفل والزعفران مع 4 كوب ماء.
و نخليهم كلهم على نار خفيفة لمدة نصف ساعة
بعد ما تستوى الشوربة نشيل منه رؤوس السمك ونضرب الشوربة فى الخلاط
نرجع الشوربة على النار و نضيف لها باقى جزء الجمبرى ونخليهم حوالى عشر دقايق ويقدم وبالهنا ءالشفا,
25-08-1426 هـ, 12:34 صباحاً
 
صباح الجمبري
الا ايه يادون الجبنه السبرد دي
ام ابيها شكرا على المعلومه ده الواحد ضايع وربنا يقومك بالسلامه
روني بجد بجد يابخت مامتك بيكي اكيد طول النهار تدعيلك
هو فين باقى الناس لسه نايمه ولا ايه
هاشتغل شويه واجيلكم
25-08-1426 هـ, 07:23 صباحاً
 
صباح الخير والسعادة على كل الشيفات الصغيرات والكبيرات

وحشتووووووووووونى

انا داخله اصبح وهشتغل شويه وارجع تانى
25-08-1426 هـ, 08:47 صباحاً
 
السلام عليكم و رحمة الله و بركاته

الف شكر يا دندونة على المعلومات بخصوص الكيتشن ماشين دوخناكي معانا و عقبال ما تدوخيني معاكي في جهاز سلمى ان شاء الله. جزاكي الله خيرا يا حبيبتي

كنت عاوزة اسألك يا دون، هي ايه استخدامات السماق؟؟ معلش عشان هو من الحاجات الجديدة علينا فلسه مسألة استخدامه غريبة شوية و عاوزين نعرف بنحطه على السلطات بس و الا ليه استخدامات تانية. انتي كتبتي لنا عن استخدامات دبس الرمان و انا كتبت المعلومة عندي بس كنت عاوزة اعرف هو بييجي في شكل سايل بس و الا له شكل تاني كمان؟؟ شكرا يا حبيبتي على تعبك معانا

كل سنة و انتي طيبة يا ام احمد و يا رب تكوني معانا السنة الجاية و ان شاء الله تكونوا كلكم بخير

جزاكم الله خيرا يا رووني على معلومات مترو و يا ام ياسمين على معلومات هايبر سهلتوا على كتير من البنات

و يا ريت يا بنات تساعدوني في الموضوع ده
طلب من بنات مصر المقيمات في القاهرة
25-08-1426 هـ, 09:02 صباحاً
 


الساعة الآن 01:02 .