مساء الخير

ازيكوا يا بنات
ميرسي يا سمسمه علي السؤال
احنا فعلا في اعصار بكره ربنا يستر
دعواتكوا معانا

يا نودييييييييي
نسال تاني علي باباكي اصل المره الاولانيه مش كفايه
ازاي بابا يا كابتن نودي؟
اللهم اجعل القراءن ربيع صدورنا و يسر لي حفظه
اللهم ارزقني الاخلاص في القول و العمل
Noody....هو بابا مالو؟؟ يا رب خير؟

رانيا ربنا معاكوا
يا بنات انا دخلت اسلم وابارك لدندونة على السريع

معلش اصلي مسحولة شغل اليومين دول وحالتي صعبة

الف مبروك يا دينا عقبال الجزء المتين

هاحاول اقرأ الباقي بعدين علشان اتابع معكم

أنا مصري بناني من بنى

هرمَ الدهر الذي أعيا الفنا

وقفة الأهرام فيما بيننا
...

لصلوف الدهر وقفتي أنا

في دفاعي وجهادي للبلاد

لا أميل لا أمل لا ألين

لكِ يا مصر السلامة

وسلاما يا بلادي
هاى يا احلى شيفات

نودى سلامة بابا الف سلامة على فكرة اعملى حسابك ان النشويات كمان من الحاجات اللى بتزود نسبة السكر فى الدم مش بس السكريات واهم حاجة فعلا زى ما الكل قال هو النظام الغذائى وفيه حاجة تانية مهمة جدا ودى عن تجربة اللى بيكون عنده السكر بيحب الحلويات جدا جدا جدا <<< طبعا التجربة مع بابا مش عارفين نعمل حلويات بسببه
بس الافضل وحتى الصحى للبيت كله انك لما تعملى الحلويات تقللى منها السكر يعنى مثلا انا لما بعمل الكيكة هى مقدار السكر الاصلى بتاعه كوب سكر لكن دلوقتى انا وصلته لنصف كوب سكر او يمكن اقل شوية ومع الوقت هاتتعودا على الطعم وبيتهياى ان استعمال سكر الدايت كتير مش بيفرق اوى عن السكر العادى يعنى مثلا المقدار عندك كوب سكر هاتعملى كوب سكر برضه بس سكر دايت مافتكرش انها هاتفرق هو زى ما بقوللك السكر العادى بس تقللى الكمية
وبالنسبة للغير مسموح عندك فى الفواكه : ( التين - العنب - المانجو - البلح ) دى اهم الفواكه اللى الدكتور منعها عن بابا هو قال ان ممكن ياكل منها بس مش كتير يعنى مثلا واحدة تين او اتنين بالكتير اوى والبلح برضه حوالى 2 او 3 والمانجو من الافضل لو تكون ثمرة صغيرة او نصف ثمرة كبيرة والعنب ملء فنجان صغير
وبالنسبة الفراخ لما تيجى تطبخيها تشيلى الجلد بتاعها من وانتى بتنظفيها مش تسلقيها وبعدين تشيلى الجلد زى ما بسمع بعض الناس اعرفهم بيعملو كده علشان يقللوا من دهون الفرخة طبعا كل الدهون اللى فى الجلد نزلت فى الشوربة واللى كان كان

معلش دوشتك بس اى حاجة تانية عاوزاها اسالى وانا ارد عليك وسلامة باباكى وبابايا وكل حد مريض باى مرض


دندوووون

جربت الكريب النهاردة عملته وفطرت بيه طلع لذيذ اوى بس انا اخترعت فيه اختراع صغنون

انا كان مش عندى لبن حليب فاستعملت لبن نيدو حطيت 3 معالق كبار وكوباية مية وبعد ما ضربت كله فى الخلاط قسمت العجينة بالنص ...... نص حطيت عليه ملح وفلفل والنص التانى حطيت عليه رشة فانيليا صغيرة علشان ريحة البيض وقليتها طلعت حلوة اوى وعجبت ماما

يعنى بقيت نص شيف ومعلقة اهه ها ايه رايك انفع ولا اخلينى المعلقة بس




الساعة الآن 01:14 .