شكرا يا رواء تسلم ايديكي و على فكرة هي اكلة فلسطينية بس اتنقلت الخليج مع الفلسطينيين المقيمين هناك. ربنا يخليكي يا رورو

سمسم، روقي يا ماما و استغفري و ان شاء الله كله يبقى تمام

برافو عليكي يا مووتي، بس الصور مش ظاهرة عندي مش عارفة ليه
25-08-1426 هـ, 09:49 صباحاً
 
خلاص يا نودى كدة معلومة الساق وصلتك وعلشان نجيب من الاخر فية بيعتبروة بديل الليمون وانتى ممكن لوحك تحطية على اى وصفة سلطة او لحوم او فراخ او شاورما او زبادى وانتى مطمنة وحطية دايما مع الفراخ المشوية
ازيك يا رواء وحشتينا فى المطبخ معانا بالنسبة للمسخن دة اكلة فلسطينية وجميلة جدا جدا بس عندنا فية مبيحبوهاش علشان كمية البصل بتكون كتيرة وبيكون متقطع شرايح كبيرة وممكن يا رواء بتفردى العيش فى صينية وبتحطى عليها الفراخ وعليها البصل وبدخليها الفرن انا بعمله دايما فى رمضان بس
25-08-1426 هـ, 09:50 صباحاً
 
ايوة يا دون، ربنا يخليكم ليا، المعلومة وصلت و تسلمولي كلكم

على فكرة يا مووتي الصور ظهرت لما حدثت الصفحة، تسلم ايديكي

يا بنات، عندي ملخص كامل و شامل على الوورد لكل ملفات دون من الاول الى اخر ما كتب في السادس، لكن على اجزاء لانه ضخم ما شاء الله، انا جمعت فيه كل الاكلات اللي كتبتها دون و ناني و كل البنات مع كل ملحوظة او تعقيب كتبوه على اي اكلة. اللي عاوزاه تبعتلي ايميلها عالخاص بدون اي ردود هنا لو سمحتم عشان منفسدش الموضوع لدون بردود خارج نطاق الاكلات. يا ريت حتى اللي عندي ايميلها تبعته برضه زيادة تأكيد عشان حابعت الملخص اتشامنت على دفعات نظرا لطوله. دي هديتي لكم بمناسبة شهر رمضان و ربنا يتقبل صيامنا و قيامنا جميعا
25-08-1426 هـ, 09:57 صباحاً
 
الحمد لله ان الصورة ظهرت

ها اية رايكم فية ،،
دون دون فيين تعليقاتك ..؟؟
25-08-1426 هـ, 09:59 صباحاً
 
البطاطس البيورية بالسماق
3
3حبات بطاطس
كوب زبادى
ربع كوب مايونيز
معلقة كبيرة سماق
3/4 باكو زبدة (الرفيع 114 ج)
ملح
الطريقة
اسلقى البطاطس كويس وقشريها واهرسيها
ضعى عليها الزبدة الطرية واخلطيهم مع بعض كويس
ضعى عليهم الزبادى والمايونيز و السماق والملح واخلطيهم كويس
بالمعلقة الخشب ضعية فى طبق السلطات ورشى علية على الوش رشة سماق
وبالهنا والشفا
25-08-1426 هـ, 10:00 صباحاً
 


الساعة الآن 07:54 .