ملحوظة للبنات اللى ميعرفوش القرصة دى مشهورة جدا وخصوصا فى بورسعيد وبيبقى لونها اخضر مصفر بالسمسم واللى عاوزة تدوقها الاول حتلاقيها فى مصر عند محل فشور اللى فى جامعة الدول العربية او اللى فى بورسعيد طبعا
27-08-1426 هـ, 10:50 صباحاً
 
مخلل الكرنب بالبنجر ((علشان هبهوبتى ))

المقادير

1 كرنبة 2 ك تقريبا
1/8 ك بنجر
2 حزمة شبت صغير((بتدى للمخلل طعم تحفة ))
نصف كوب خل
فنجان قوة ملح
4 قرون فلفل

الطريقة ::
تقطع اراق الكرنب قطع متوسطة الحجم.
يقطع وحدات البنجر الى 4 اجزاء ثم يضاف على الكرنب
يضاف الملح والماء ويقلب الى ان يذوب الملح ويضاف الخل..
ترص قطع الكرنب والبنجر فى برطمان ويسكب قوفة خليط الماء والملح والخل. ويغلق باحكام .

مدة التخليل :
48 ساعة.
27-08-1426 هـ, 10:54 صباحاً
 
صبااااح الفل عليكم جميعا
نودى حبيبتى الآيس كريم أنا برضه عملته مرة و طلع زى ما انتى بتقولى بالظبط واضح ان العيب مش فينا
27-08-1426 هـ, 11:05 صباحاً
 
صباح الفل عليكم جميعا وكل سنة وانتم طيبيين للتوقيت الشتوى
أزيك يادندون وحشتينى كتيير انا معاكم فى مواعيد الصبح ده بيتهيألى أفضل لينا كلنا فى رمضان لأن بعد الظهر هيبقى صعب وكل سنة وانتم طيبين يارب

نودى ازيك ياقمر تسلم ايديك على تلخيصاتك الجميلة مجهود جميل ربنا يجازيكى خير

هبهوب ايه المواضيع الجامده ده انا هدخل اسلم عليكى هناك واباركلك بشرب هشرب واحد ليمون سخن لزوم البرد الجميل اللى عندى واجيلك جرى

هاله القمر ازيك فينك من زمان

موتى مش باينه ليه طيب انا وعندى برد انتى بتعملى ايه

ام ابيها انتى فين عملتيها ولا لسه

سمسم ونهى ومسلمه و ام العلا وكل الناس الحلوين اللى معانا وحشتونى
27-08-1426 هـ, 11:05 صباحاً
 
الله يكرمك و يطمنك يا مسلمة، يعني العيب مش فيا!!! اصلي اخدت تريأة امبارح لما اتهريت مع اني مشيت حسب التعليمات بالظبط و كنت عاوزة اعمل حاجة سريعة ، ياالا االحمد لله

مووتي، محدش يقدر ينساكي يا قمر، و على فكرة ما شاء الله اسمك منور اكلات كتير في التلخيص

ام ياسمين، صباح الفل يا جميلة، جزانا و اياكم صالح الاعمال، انا فرحت اوي لما عرفت انزله على المنتدى لان صفحاته كانت كتيرة و مكنتش عارفة اعمل فيه ايه، بس الحمد لله انه وصلكم كلكم
27-08-1426 هـ, 11:27 صباحاً
 


الساعة الآن 12:26 .