صباح الخير جميعا
يارب كلكوا تبقوا بخير واتم صحة وكل سنة وانتوا طيبين
انتوا وحشتونى قوى خالص
كل سنة وانت طيبة يا موتى وعقبال ميت سنة
ام مشمش ازيك يا قمراية جبتى الفانوس لمشمش ولا لسة
دون ورواء ونودى وحشتونى كلكوا
معلش اصلى اليومين دول بافطم ياسمين فتعبانة قوى
ياريت اللى نسيته ما يزعلش لان الزهايمر قوى اوى عندى
29-08-1426 هـ, 11:56 صباحاً
 
صباح الخير عليكم كلكم
موتى كل سنه و انتى طيبه و ان شاء الله السنه الجايه تكونى اتجوزتى و جبتى بيبى كمان ( ما حدش يسألنى إزاى )
و دى تورته مننا كلنا ليكى
[img][/img]
29-08-1426 هـ, 12:16 مساءً
 
جاتوة البسكويت


30بسكوتة او 3 كوب بسكوت مكسر
باكو زبدة الصابع(113ج)
2 بيضة
معلقتين كاكاو
كوب سكر بودرة
مكسرات مفرومة تخين
فانيليا
حتت شيكولاتة مكسرة
نص قالب شيكولاتة خام بيضاء
الطريقة
اضربى الزبدة بالمضرب الكهرباء وبعدين ضعى السكر واضربى
ثم اضع البيض واضرب ثم اضع الكاكا ولحد ما المقدار يتخن
ثم اضع عليهم البسكوت المكسر والمكسرات المفرومة ونخلط كله مع بعض كويس
اشكلها على هيئة كور واضعها فى الورق البليسية
او اشكلها على هيئة اسطوانه وضعيها فى ورقة فويل ولفيها كويس
وضعيها فى الثلاجة لحد ما تجمد وبعد ماتخرجيها تكونى سيحتى الشيكولاته
البيضاء وتنزليها على الوش على هيئة خطوط عرضية وبين كل خط
ترشى رشة مكسرات وتقدم وبالهنا والشفا
29-08-1426 هـ, 12:36 مساءً
 
يا بنات حكتبلكم نوع من المهلبية بديل عن القمر الدين المطبوخ
ومفيد جدا جدا لالاطفال وطعمة زى القمر الدين
29-08-1426 هـ, 02:40 مساءً
 
مهلبية بالبرتقال

2كوب عصير برتقال
نص كوب عصير جزر اصفر
2 معلقة كبيرة نشا
3 معالق كبيرة سكر
جوز هند او مكسرات للتزوييق
الطريقة
نسلق الجزر كويس وبعدين نضربه فى الخلاط
ضعى الجزر المضروب على عصير البرتقال والسكر
واخلطيهم كويس وضعيهم على النار بس تكون واطية
دوبى النشا فى قليل من الماء ثم ضعيها على خليط
البرتقال والجزر مع التقليب المستمر لحد ما يتخن المقدار
نصب المهلبية فى الكاسات ونزوقها بالجوز الهند والمكسرات
وبالهنا والشفا
29-08-1426 هـ, 02:45 مساءً
 


الساعة الآن 12:02 .