صباح الخير على كل اللي موجودين عاملتوا ايه امبارح في الصيام

ازيك يانوودي عامله ايه عندكو اكل ايه النهارده على فكرة انا بجيب دبس الرمان بيكون سايل وفي قزايز ومعرفش ازى ليه شكل تاني ولا لاء؟
على فكرة السوبيا اللي جتني بالكيلو بس بفكر اكبر منها واعمل بتاعة دوون
ام ابيها انا لسه معادي في المستشفى بدري فاماسالتش حد لكن انا في ابني الاولاني صمت رمضان الحمدلله وربنا يقوينا السنه دي ان شاء الله
02-09-1426 هـ, 11:00 صباحاً
 
صباح الفل يا نها، الف شكر يا حبيبتي على ردك عليا. و تسلميلي

امبارح الحمد لله كان يوم صيام جميل و هادي و ربنا عداه على خير بالرغم من بعض المنغصات لكن الحمد لله و ربنا يهدينا جميعا و يتقبل منا

انتي و ام ابيها عاملين لي قلق بالعداد بتاعكم ده، دعواتي لكم بالصحة و تقوموا بالسلامة ان شاء الله

بس السوبيا اللي عندك حاولي تعمليها برضه يمكن فعلا بتضيفي لها لبن و بس. جربي في كمية صغيرة تعمل كوبايتين مثلا و شوفي حتبقى عاملة ازاي. انا بصراحة عمري مجربتها و لا اعرف طعمها حتى فمش قادرة اساعدك

النهاردة يا ستي عندي مكرونة بالصلصة و كقتة بانيه و شوربة لسان عصفور و سلطات و الحلو قطايف (لازم بداية رمضان نقضيها قطايف لان الكل مدمنها)، لحد دلوقت الجدول ماشي هادي عشان العزايم لسه مبدأتش، بعد كده حابقى زي الصورة اللي دون حطيتها بتاعة المواعين!!!
02-09-1426 هـ, 11:38 صباحاً
 
يا صباح الخير على نودى ونهى شوفى يا نودى دبس الرمان بيبقى سايل فى زجاجات وكالعادة بتلاقى من كل منتج اسماء مختلفة انا بجيب زجاجة نوعها كويس مكتوب عليها يمامة ومتوفرة
02-09-1426 هـ, 11:55 صباحاً
 
نوودي ايه الكفتة البانيه دي بتعمليها ازاي
والشربات بتاع القطايف بيكون تخين صح
انا عندي عزومه كبيره يوم الجمعه ادعولي ربنا يقويني عليها وعلى الصيام وعلى كريم
02-09-1426 هـ, 11:55 صباحاً
 
ازيك يادون ورمضان كريم اخبار المواعين ايه والطبيخ انا مش عارفه هيه الناس يعني طول السنه مابتكلش علشان بيفتكروا كل الاكلات في رمضان وعاوزين وعاوزين ربنا يعينا
02-09-1426 هـ, 11:59 صباحاً
 


الساعة الآن 10:46 .