اقتباس مشاركة  (nohaa)
نوودي ايه الكفتة البانيه دي بتعمليها ازاي
والشربات بتاع القطايف بيكون تخين صح
كدة برضة يا نهى ؟؟؟بعد الملفات دى كلها والقوائم والتلخيصات لسة بتسئلى على الكفتة البانية ؟؟؟؟ماشى يا نهى ماشى يا نهى
وبالنسبة لعسل القطايف بيبقى تخين,هاة عايزة الكفتة ؟؟؟؟
02-09-1426 هـ, 12:04 مساءً
 
صباح الفل عليكم جميعاً

رمضان كريم

أزيك يادندون ايه أخبارك انا حاسة بيكى والله اصلى مجربه انا بيبقى عندى عدد 25 أو 30 فرد متخيله بقى الناتج يكون ايه كل سنة وانتى طيبه

نوودى حلوة القايمة قوى خفيفه بالهنا والشفا يارب احنا كمان مدمنين قطايف بس لسه نفسى اعمل عجينتها انا فى البيت وأشوف على فكرة انا كل ما احاول اعملك مفاجأة تبوظ عملت فهرس بأسماء اللأكلات اللى فى ملفات دون وجيت انزلها فى صفحتك لقيتك عمليتها يلا بقى افكارنا واحدة الحمد لله

نهى ربنا يقويكى على العزومة اى مساعدة احنا فى الخدمة

على فكره انا عملت أمبارح مثلثات البقلاوة بحشوة مهلبية دقيق السميد والكريمة اللبانى طلعت جميله جدا وخفيفه فعلا بس الحقيقة حاولت الفها مثلثات معرفتش خالص لقيت نفسى هعوك فعملتها صوابع ممكن حد يشرح اللفات المختلفه الحلوة فى التقديم

كمان ممكن يادندون طريقة اجلاش اللى بالكنافة بالصوابع بتفصيل اللف معلش ساعات الغباء بينتشر عندى وانا احب يكون الأخراج ممتاز مثل الإعداد علشان البرستيج ميضيعش فى النص

وصباح الفل على كل النا اللى لسه نايمين .................. يابختيهم!!
02-09-1426 هـ, 12:11 مساءً
 
يادوون هو انا عارفاها بس بتاكد كفته بنحطها في بيض وبقسماط وبعدين نقليها بس يمكن في طريقة تانيه خلينا نشووف
02-09-1426 هـ, 12:11 مساءً
 
الكفتة البانية

نص كيلو لحمة مفرومة
بصلة مبشورة
2 معلقة بقسماط او نص رغيف فينو مبلول فى الماء
2 فص ثوم
ملح و فلفل وبهارات
نص كوب شبت وبقدونس مفرومين
للتغطية : 2 بيضة مضروبة بالشوكة - بقسماط ناعم
الطريقة
نبشر البصلة ونضعها على اللحمة والبقسماط او العيش الفينو نبله كويس بالماء ونصفية كويس بالضغط بين ايدينا والتوابل والشبت والبقدونس والثوم ونخلطها كويس قوى لحد ما تبقى زى العجينة المتماسكة
نبدأناخد قطعة قطعة ونصبعها اصابع تخينة وبعدين نبططها نضع كل صابع فى البيض ثم فى البقسماط ونحمرها فى سمنة او خليط سمنة وزيت لحد ما تحمر ونشيلها على ورق ماص للدهون وبالهنا والشفا
02-09-1426 هـ, 12:19 مساءً
 
صباح الفل على ام ياسمين و على دندونة

ايوة يا نها دي طريقة الكفتة اللي باعملها صح يا قمر و ربنا يهديلك كريم الفترة دي و يقدرك عالصيام

دندونة تسلميلي يا قمر و انا عارفة ماركة يمامة و ان شاء الله الاقيها عندي

ام ياسمين يا جميلة، و الله هي حبيبتنا مسلمة سبقتنا احنا الاتنين لاني كنت حاعمل لكم الفهرس و ما شاء الله جيت لقيتها نزلت الجزء الاول فسبتها تكمله، جزاها الله خيرا ريحتنا كتير، و تسلمي يا جميلة على الافكار. على فكرة يا قمر لف المثلثات بيبقي سهل. انتي ادامك قطعة مستطيلة صح؟؟ طيب حطي الحشوة على جنب في الطرف اللي قصادك و بعدين طبقيه زي المنديل من عند الزاوية حيعمل لك مثلث، تعالي على الجزء الحر و لفيه تاني حيبقى مثلث و افضلي كملي حيطلعلك كله في الاخر على شكل مثلث

يا رب يكون شرحي واضح
02-09-1426 هـ, 12:20 مساءً
 


الساعة الآن 12:40 .