Analysis Services
العفو يا ام ياسمين، احنا في الخدمة. شوفي بالنسبة للازانيا انا جبت نوع غالي حبتين بس هو ممتاز و تعملي منه صنيتين او تلاتة. اسمه Banzani ب 18 جنيه تقريبا في كيسين كل كيس 15 شريحة يعني كلهم 30 شريحة. انا لما استخدمته استخدمت 15 شريحة بس كانوا كتير لانهم عملوا لي 4 طبقات، اعتقد تكون افضل ب 3 طبقات، يعني هي حسب رغبتك. النوع ده لما سلقته سلقت شريحتين بشريحتين و كانت كل مرة بتاخد 5 دقايق و بعدين اطلعها في مية ساقعة عليها تلج زي ما دون قالت. بس نوعها نضيف فعلا لا عجنت و لا نشت و لا اي حاجة. فيه نوع تاني ارخص دون قالت عليها ب 7 و نص تقريبا بس مش عارفة اسمه ايه. منين بقى انا كنت جايباه من فتح الله عندنا في طنطا
02-09-1426 هـ, 12:51 مساءً
 
نسيت اقولك ان الصينية المستطيلة بتاخد 3 شرايح بترصيها بعرض الصينية و بعدين تقطعي شريحة رابعة نصين عشان تحطي كل نص على الفرق بين كل شريحتين عشان لو فيه اي مسافات تتقفل

و اي سؤال او استفسار انا جاهزة لاني طلعت عين دون يومها يا عيني بس هي جزاها الله خيرا جاوبت على كل اسئلتي
02-09-1426 هـ, 12:53 مساءً
 
السلام عليكم و رحمه الله و بركاته
يا صبااااااح الفل عليكم كلكم
واضح إن أول يوم الحمد لله عدى على خير عند معظم البنات الحمد لله عقبال الباقى
لكل اللى عندى عزومه شدوا حيلكوا عيزنكم ترفعوا راسنا و راس دون حبيبتى اولنا لأنها هى اللى تعبت فى كل دة جزاها الله عنا خير ( انا قاعدة بنصح و مش بعمل حاجه كدة )
02-09-1426 هـ, 12:55 مساءً
 
بصى يا ام ياسمين النوع اللى بجيبه بيكون موجود فى الثلاجات مع اكياس الخضار الفروزن ومفيش الا هو النوع دة بس وهو ب7 جنية وحلو جدا لون العلبة اصفر على خطوط اورنج خفيف ومرسوم عليها خرطة لازانيا مستوية جاهزة دايما بجيبها من المحمل
مسااااااااء النور يا مسلمة والله ما انتى حالفة تعالى انا عندى النهاردة محشيات كرنب على بزنجان وفلفل وكوسة امبارح خلصنا من ورق العنب بس عطلنى عن ,,,,,,,,,,,,,,,,,,,,,ام ياسمين عارفة
02-09-1426 هـ, 01:07 مساءً
 
ماشى منظرة كله على الخاص يا ام ياسمين
حنستنى النهاردة ل12 ونص عشان اللى لسة مجوش بس اتمنى ييجوا قبل ما نقوم لان اليوم فعلا قصير
ياااااااااااموتى هو اللى يكون عيد ميلاده بيختفى بعدها يا موتى ؟؟؟؟
02-09-1426 هـ, 01:13 مساءً
 


الساعة الآن 03:20 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏