ازيكم يا بنات .. وايه اخبار الصيام معاكم ؟ يارب كلكم تكونوا بخير

عايزاكم تباركوا لى .. مش انا انبارح عملت لهم ام على وكلهم حلفوا بيها وطلعت تحفه.. احلى من اى مره اكلناها بره وقعدوا يطلبوها منى تانى فتحت على نفسى فتوحه بأه

هبه ممكن تقولى لى عملتى صينيه الكنافه ازاى ؟ عشان عندنا وعايزه اجرب اعملها لهم

بصوا بأه انا لأول مره ويارب ماتكونش آخر مره حقول لكم وصفه كنت جايباها من سايت على النت وجربتها وطلعت حلوه اوى بس انا غيرت فى مكونتها شويه

هى : فراخ بالكريمه والكارى
كيلو فراخ مقطع الى مكعبات صغيره - 2 بصلة كبيره مفروم - نص علبة مشروم تقريبا ( حسب الرغبه ) - 3 طماطم مقطعه الى مكعبات صغيره ( او 3 جزر مبشور حسب الرغبه ) - 3 ملعقة صلصة طماطم - ملعقه ونص تقريبا كارى ( تذوب فى قليل من الماء ) - ملح - فلفل - مقدار من البشاميل

الطريقة :
نضع السمنه ونقدح بها البصل ونضع فيها الفراخ مع التقليب المستمر (واضافة شويه ماء بسيط حتى لا يحرق ) حتى يبدأ فى النضج .
نضيف المشروم والطماطم (او الجزر) ونضع الكارى والملح والفلفل وصلصة الطماطم وتترك حتى تنضج جميع المكونات ثم نضيف البشاميل الى ان تغطيه ويقلب الجميع .
و تقدم مع الأرز الأبيض وبالهنا والشفا

ياريت تجربوها وان شاء الله حتعجبكم
03-09-1426 هـ, 04:16 مساءً
 
صباح الفل عليكم جميعا
ازيك يادندون يارب النت يكون اتصلح وتشوفى الخاص

صباح الخير يامسلمة أزيك وازى ماما ياترى انتى تقصدى الأرز اللى بالكارى

هبهوب ازيك يارب المايونيز يكون تمام

وشيرى تسلم الأيادى شكلها حلو الأكله ده هجربها قريب واقولك
انا كمان جايبلكم طريقة فطاير تنفع للسحور
فطائر متنوعة

2 كوب دقيق
1/2 كوب زبده
2 ملعقة خميرة بيره
ماء دافئ
توابل
معلقة سكر
2 ثمرة طماطم
ثمرة فلفل
2 بصله
رأس ثوم
زيتون – زعتر – 1/4 كيلو لحم ناضج
2 بيضه

الطريقة
1- تذاب الخميرة فى قليل من الماء الدافئ والسكر حتى تذوب وتغطى بالدقيق وتترك لتخمر
2- ينخل الدقيق ويضاف إليه ذرة ملح والتوابل والزبدة ويقلب حتى يختفى
3- تضاف الخميرة بعد أن تخمر وتعجن بالماء الدافئ عجينة لينة وتترك لتخمر فى مكان دافئ.
4- تقطع الطماطم والفلفل والبصل والثوم ويضاف إليها قليل من الماء وترفع على النار خمس دقائق تخفق فى الخلاط الكهربائى وتتبل بالتوابل والملح.
5- تعمل فطائر من العجينة بمقاس واحد وترص لتخمر.
6- يفرم اللحم الناضج ويقلب مع الزيتون المخلل والزعتر
7- يخفق البيض والتوابل ويقلب جيدا مع اللحم الناضج والزيتون وتدهن الفطائر بالصلصة المعدة ويوضع على كل واحدة ملعقة من خليط اللحم وشريحة طماطم وتدخل الفرن حتى تنضج وترص فى طبق التقديم
وبالهنا والشفا
03-09-1426 هـ, 05:05 مساءً
 
فيه كمان طريقة لحلويات سريعة بما ان فيه جوز هند كتير

بسيمة جوز الهند

المقادير:
12 ملعقة كبيرة جوز هند ناعم
10 معالق سكر
4 معالق دقيق
3/4 كوب لبن

الطريقة
-يذاب السكر فى اللبن
- يخلط الدقيق مع جوز الهند
- يعجن بالسكر واللبن
- تدهن صينية بالسمن السايح جيداً وتوضع العجينة وتخبز فى فرن متوسط الحرارة وتقطع وتقدم

وبالهنا والشفا

هدور لكم على أفكار تانيه وآجى بااااااااااااااااى
03-09-1426 هـ, 05:11 مساءً
 
حبيبتى شيرى يا ترى انتى لسه اون لاين؟؟

طب بصى

بتجيبى الكنافه وتفرشيها وبعدين تقطعيها حتت صغيره قوى تفرفتيها يعنى وبعدين تجيبى زبده المعيار بقى بيبقى بالنظر بس انا بحب لكل كيلو كنافه من ربع لثلث كيلو سمن
تسيحى السمن على النار وبعدين بملعقه ترشى السمن على الكنافه لغايه لما كلها تتشرب بتخلى شويه سمن باقيه فى الطاسه وتجيبى شويه الكنافه الى على الوش وتحطيها فى الزبد لغايه ما تتشرب الزبده كلها - تقلبى كثير جدا -
ندهنى الصينيه زبده وتفرشى الصنيه بالكنافه وبعدين تجيبى الحشو انا كنت حاشياها لوز محمر فى السمن مع قرفه وحطين عليها شربات ثقيل جدا كان عندى من زمان
هتفرشى الحشو وتحطى الكنافه الباقيه وتكبسىىىىىىىىىىىىى بايديك قوى

الكبس ده لالالالالالالالالالالازم جدا

تدخل فرن حار من تحت ما تسيبيهاش كثير عشان الوقت الاكثر يكون للوش
وبالهنا يارب
03-09-1426 هـ, 05:29 مساءً
 
ام ياسمين انا سعدت جداااااااااااااا بسماع صوتك بس احب اقولك انه مامسكششششششششششش

احب اقولكم انى ست بيت فاشله
03-09-1426 هـ, 05:32 مساءً
 


الساعة الآن 02:47 .