صباح الخير يادندون

قوليلى هو العيش البورى ينفع بديل للعيش العادى ولا ليه استعمال تانى
السلام عليكم

كل سنه وانتم طيبين
معلش يا جماعه الواحد اتلخم في رمضان واليوم عندنا سريع ما شاء الله
وما شاء الله زوجي بدا العزومات من اولها وخصوصا العزوبيه
فتقريبا مش بلحق ادخل عندكم
بس اليوم صممت ادخل اسلم عليكم قبل ما اقيم في المطبخ



بس ما تنسوا التسبيح والذكر دائما وانتم في المطبخ وكمان وانتم بتحضروا الفطور لا تنسوا الدعاء لانها ساعه مستجابه
اهلا يا هالة كل سنة وانتى طيبة ورمضان كريم اما بالنسبة لمجهود العزايم
فربنا يجعلهولنا فى ميزان حسناتنا ماهو مش معقول لاتبقى دنيا ولا اخرة كمان؟
ام ياسمين بنلعب انا وانتى لعبة القط والفار انا ادخل انتى تطلعى انا اطلع انتى تدخلى
انا بالنسبة لى بناكله عادى بدل الخبز لكن كانت فية جارتى فى السعودية لما كانت بتعمله عنها فى البيت كنت بشوفها ساعات بترش علية سكر بودرة وتلفة وتديه لابنها وساعات كانت بتستعمله زى سندوتشات الشاورما





قالب الارز بالبيض

2 كوب ارز مستوى (ممكن بايت )
نص كيلو لحمة قطع صغيرة مسلوقة
او نص فرخة مسلوقة مقطعة قطع صغيرة
2 معلقة سمنة -2 صفار بيض
كوب حليب-ملح وفلفل
الطريقة
نضع قطع اللحمة او الفراخ على الارز ونخلطهم
نضرب البيض مع الملح مع الفلفل مع الحليب
ونضعهم على الارز ونخلطهم كويس
ندهن قالب الكيك (الفورمة)بالسمنة ونضع فيها خليط الارز
نضع القالب فى حمام مائى ونضعه فى فرن متوسط الحرارة
لحد ما الارز يشرب الحليب والوش يحمر
بعد ما يخرج من الفرن نسيبه شوية وبعدين نقلبه فى طبق التقديم
وبالهنا والشفا





دقية السبانخ

كيلو سبانخ
نص كيلو عصاج بالصلصة
كوب شوربة
معلقة سمنة
ملح وفلفل
الطريقة
نغسل السبانخ كويس ونشيل الجزور بتاعتها بس تسيبى
الاوراق سليمة نضع السمنة فى مقلاية ونشوح فيها اوراق
السبانخ ندهن حلة مدورة صغيرة بالسمنة ونضع فى القاع العصاج
بحيث يغطية ثم نضع السبانخ ثم نضع الشوربة والملح والفلفل
ونضعه على نار واطية لحد ماالسبانخ تستوى وتتشرب الشوربة
وعند التقديم تقلب الدقية فى طبق التقديم وبالهنا والشفا







الساعة الآن 02:26 .