حبيبة قلبي شيري، انا الحمد لله بخير و بابا الحمد لله بخير، الف شكر على معلومة الزنجبيل و ربنا ما يحرمني منك

سمسم الف شكر ليكي حادور عليه و اشوف حكايته ايه ده. بالنسبة للسمنة من القشطة المرتة بتاعتها مش زي مرتة الزبدة فبتلاقيها بتطله عبارة عن زي تجمعات كده و اجمد يعني مش صالحة للاكل اوي زي مرتة الزبدة اللي بتطله اطرى. بالنسبة لانها اتحرقت ده اكيد لانك مكنتيش بتقلبي باستمرار لان المفروض انها بتنفصل عن السمنة للقاع و لازم نقلب باستمرار عشان متتحرقش و تؤثر في طعم السمنة بعد كده. و طبعا خطوة الملح ضرورية و لازم متنسيهاش لانها بتساعد في الفصل و على فكرة انتي بتعرفي لان القوام بيبقى باين و واضح يعني بيبقى عندك سائل و عندك المرتة المتجمعة في القاع لونها ذهبي او برونزي كده و بتصفيها و تاخدي السمنة تحطيها في برطمانات. يا رب اكون افدتك و اي سؤال تاني انا في الخدمة
يا رب لك الحمد كما ينبغي لجلال وجهك و عظيم سلطانك

اللهم اغفر لي و لوالدي و للمؤمنين و المؤمنات يوم يقوم الحساب

اللهم احفظني و زوجي وولدي من كل سوء

والله يا جماعة النت بطىء عندى جدا المهم صباح الفل يا رواء وشيرى ويا سمسمة ويا ام ياسمين انا حرد عليكم بسرعة قبل مايفصل
بصى يا رواء السفرة جميلة بس اعملى سلطة زبادى مع الورق عنب وبما انك عامله السفرة ناشفة شوية يبقى بدل الجلاش بالجبنة اعملى احسن صينية جلاش باللحمة المفرومة واسقيها شوربة بدل البيض والحليب حتبقى جميله او سمبوسك باللحمة المفرومة طبعا انا الصفحات مش راضية تفتح عندى علشان ارجع ابص على القايمة بس انا فكراها من امبارح يا مسهل والرد ينزل على الصفحة





انا عايزة اقولكم على طبق عملته انبارح سهل اوى ويشبع وجميل بصوا بأه انا عملت صينية بطاطس باللحمه المفرومه عباره عن : بطاطس بيوريه ولحمة مفرومه وبحط طبقه بطاطس وطبقة لحمه مفرومه وبعدين طبقة بطاطس تانى وارش على الوش جبنه ( موتزريلا مثلا او رومى ) وادخلها الفرن تلت ساعه لحد ما الوش يحمر عندى بيحبوها اوى وخصوصا الى اسنانهم بايظه بتكون طريه وبتشبع وبالهنا والشفا
الف شكر يا ام ياسمين عالمعلومة و ربنا يسهل ان شاء الله و اجربها

تسلم ايديكي يا شيري، باين عليها لذيذة جدا و كفاية انها سهلة و مش بتاخد وقت و ان شاء الله في قايمة التجريب

ربنا يعينك يا دون على النت و غلاسته، حاسة بيكي لانه مطلع عيني برضه في المكتب
يا رب لك الحمد كما ينبغي لجلال وجهك و عظيم سلطانك

اللهم اغفر لي و لوالدي و للمؤمنين و المؤمنات يوم يقوم الحساب

اللهم احفظني و زوجي وولدي من كل سوء

حد يشيل شيرى من قدامى ..............الطبق دة جديد يا شيرى ؟؟؟؟؟؟؟؟؟؟؟قرى واعترفى علشان اقولك على البسطا فلورا ...بقى بطاطس باللحمة المفرومة ؟؟؟؟؟







الساعة الآن 07:34 .