اقتباس مشاركة  (غرام وحنين)
ازيكم يا جماعه انا اول مرة اشارك فى الملف بس بصراحه ملف يهبل ومشكورررين حميعا وخاصه دون بس الصفحات كثيره بسم الله ما شاء الله ومش عارفه اكملها بس لو سمحت الى جرب حاجه حلوه يكتبلى رقم الصفحه
اهلا بيكى يا غرام وحنين واهلا بيكى عضوة معانا ورمضان كريم طبعا رواء جزاها الله خير رديت عليكى وكتبتلك لينك التلخيص وحيريحك جدا من البحث فى الصفحات
وبالنسبة للى جرب حاجة احنا عايزينك انتى بقى اللى تجربى حاجة وتقوليلنا اية رأيك ؟؟؟ اصطدناكى ولا مفر منتظرين مشاركاتك معانا





اقتباس مشاركة  (رواء الاسلام)
ربنا يكرمك يا نودي بس انا فعلا محتارة مش عارفة اعمل ايه لاني عايزة اكرمه اوي و خايفة اقصر في حاجة دعواتكم معايا
بصى يا رواء علشان تريحى نفسك من التفكير لازم تقررى الاول هل هو فطور ولا سحور ؟؟؟؟؟؟انتى قررتى انه سحور ...خلاص يبقى نستبعد أكل الفطور ونقسم البلد نصين بمعنى انه يكون اكل فطور خفيف او اكل سحور تقيل فهمتى عليا يا رواء انا اقصد اية ؟؟؟؟؟يعنى مينفعش اعمله على السحور محشى مثلا لكن فعلا ممكن اعمله كفتة فهمة قصدى ؟؟؟؟؟؟؟؟يعنى حنعمله سحور خفيف شيك على رأى نودى
يبقى ممكن نعمل فعلا صينية الجلاش باللحمة المفرومة وكفتة بانية وبطاطس محمرة وفطاير منوعة
وممكن صينية جلاش وشيش طاووق وفطاير منوعة
وممكن صينية جلاش وكوردون بلو وفطاير منوعة
وممكن اكله تانية خالص وخفيفة شيش فراخ وبطاطس محمرة ومكرونة اسباجتى بالزبادى
او منوع شيش فراخ ولحمة وبطاطس محمرة وصينية الجلاش باللحمة المفرومة والفطاير المنوعة .مجرد افكار واستوحى انتى منها





جزاك الله خيرا يا دينا ربنا يكرمك

و انا باشكر كل واحدة ردت علي شكرا ليكوا يا جماعة

السلام عليكم و رحمة الله و بركاته

صباح الفل على الكل

انا عارفة اني داخلة بدري خالص بس احتمال اتزنق بعد كده و معرفش ادخل في الميعاد

المهم، اهلا بيكي معانا يا غرام و حنين و ما شاء الله البنات دلوكي على الموجز الوجيز في الطبخ و الطبيخ، روحي ذاكريه و جربي و تعالي احكيلنا خلاصة تجاربك

رواء، ان شاء الله حتطلع عزومة حلوة و ما شاء الله دندونة نوعتلك و وسعت ادامك الخيارات و ابقي طمنينا عالنتايج يا قمر

دندونة، يا ريت تقولي لنا على طريقة اللبن الرايب في البيت يتعمل ازاي >>>>>> تعالي يا منى اسمعي و ركزي معايا احسن انا غلبت!!

سلامي لكل البنوتات و المدامات الحلوات
يا رب لك الحمد كما ينبغي لجلال وجهك و عظيم سلطانك

اللهم اغفر لي و لوالدي و للمؤمنين و المؤمنات يوم يقوم الحساب

اللهم احفظني و زوجي وولدي من كل سوء

صباح الخير عليكم كلكم

انا لسة حة واحدة باطمنكم بس

يا رب تكونو بخير
وانت يا امولة باباك عامل ايه في الصيام ؟

طمنينا يا رواء ناوية تعملي او عملتي ايه على العزومة؟

وانتي يا منى اخبار السحور مع زوجك ايه؟

هبة مختفية فين؟

دينا يا رب النت يكون اتحسن

أمهات الياسمين، الياسمينات بتوعكم صايمين ولا لسة بدري؟

مسلمة

ايه اخبارك والفطار ؟

نها

مش تقولي عاملة ايه مع الصيام والحمل؟ طمنينا عليكي

موتي واحلام وهدهودة وكل البنات انتم فين هو انا عمالة اكلم نفسي كده؟

ده انا ما صدقت خلصت من كم الشغل اللي كان كابس على نفسي

اقولكم حاجة مجنونة ؟ نفسي اعمل عزومة والله، بس طبعا ما حدش هيطاوعني، بس الحقيقة رمضان بيحب اللمة والعزائم، يلا العزومة الكبيرة ان شاء الله تكون على العقيقة وانتم كلكم معزومين طبعا

أنا مصري بناني من بنى

هرمَ الدهر الذي أعيا الفنا

وقفة الأهرام فيما بيننا
...

لصلوف الدهر وقفتي أنا

في دفاعي وجهادي للبلاد

لا أميل لا أمل لا ألين

لكِ يا مصر السلامة

وسلاما يا بلادي


الساعة الآن 12:25 .