مساء الجمال عليكم جميعا والله وحشتونى جدا جدا وواحدة واحدة انا برضة فى الشارع لان النت عندى مفصول تماما لكن احتمال كبير الشركة الجديدة اللى اشتركت معاها توصلهولى بكرة بأذن الله يا الصبح او بعد الفطار يا مسهل
بسرعة كدة كل منتجات الاكل اليابانى موجودة فى مصر بوفرة وفية كمان اماكن بيدوا كورسات فى تعليم طهى الاكل اليابانى ودة كله تحت اسم الماكروبيوتك اللى نشرته فى مصر دكتورة مريم نور اول بس لما النت يدخلى حكلمكم بالتفصيل اكتر لان فية عيال قاعدين جانبى عمونى من السجاير
وعلى فكرة انا الحمد لله خلصت ملف العيد خالص واول حاجة حعملها انى انزله بأذن الله , وحشتونى جدا جدا
11-09-1426 هـ, 10:24 مساءً
 
صباح الخير عليكو
انا مستنيه ملف العيد يادون بفارغ الصبر اصلي ناويه اعمل لجوزي كام حاجه بس يكونو مضمونين بفكر ابعد عن الكحك الصراحه بحسه محتاج حد خبره خلينا في البيتفور والبسكوت ويارب يظبطوا
قولولي ياجماعه عندي عرق تلبيانكو بتاع اللحمه البارده بس زهقت من اللحمه البارده عاوزه اعمله حاجه تاني مره حشيته خضار ومره بيض مسلوق حد عنده طريقه تانيه
12-09-1426 هـ, 09:13 صباحاً
 
صباح الفل والياسمين عليكم جميعا
يارب يادندون يكون اتركب عندك الخط الجديد وحشتينى
نودى اخبارك ايه يا جميل
سمسمه
رانيا
مسلمة
هبه
موتى
أم ابيها
نهى
رونى
رواء
شيرى
أزيكم كلكم عاملين ايه
12-09-1426 هـ, 11:22 صباحاً
 
بصوا بقى انا جايبه لكم حلوى تركى بس لذيذه وهتعجبكم أسمها شكار باريه

ممكن نسميها بسكويت دقيق السميد بالسكر

المقادير
1/2 كيلو دقيق
1/2 كوب دقيق سميد
1 و 1/2 كوب سكر بودره
2 بيضه
4 ملاعق كبيره سمن
1 ملعقة صغيرة خمير

مقادير الشربات
1 و 1/2 كوب سكر
1 كوب ماء
عصير نصف ليمونه

الطريقة
نضع الدقيق النوعين وفوقه نضع الخميرة عادى كما هى ونضع السكر والبيض والسمن وندعك ونعجن حتى تتكون عجينه

نبدأ نعمل كور صغيره مثل الغريبه ونجملها فى الوسط بأنصاف بندق
وندهن صينيه بسيط ونضعها فى الفرن حتى تستوى
عندما تخرج نسقيها بالشربات ونتركها خمس دقائق ثم نرفعها واحده واحده من الشربات ونضعها فى طبق التقديم لتبرد وبالهنااااااااا والشفاااااااااااا

الحقيقه من جمالها كلناها سخنة جربوه ويارب تعجبكم
12-09-1426 هـ, 11:28 صباحاً
 
الجلاش بالبطاطس

المقادير
لفة جلاش
4 وحدات بطاطس كبيرة مسلوقة ومهروسه
حوالى 1/8 كيلو جبنه بيضاء
بيضه
كوب لبن

الطريقة:
نخلط البطاطس المهروسه بالجبن جيدا وقليل من الفلفل ولو احتاجت ملح
نفرد وحدات الجلاش كل ورقتين ندهن بالفرشاه بسيط جدا سمن سايح وبعد حوالى 5 ورقات
نضع خليط البطاطس بالجبن ثم نكمل خمس ورقات أخرى (نفضلها كمية ورق بسيطه حسب الرغبه) ثم نقطع الصينيه ونسقيها بكوب اللبن والبيضه ونرش على الوجه حبة البركه
وندخلها الفرن وبالهنا والشفا

يارب تعجبكم
12-09-1426 هـ, 11:33 صباحاً
 


الساعة الآن 10:32 .