Analysis Services
شوربة الطماطم

بصلة صغيرة مبشورة
معلقة كبيرة سمن
4 وحدات طماطم
معلقة صغيرة دقيق
3 معالق كبيرة حليب
من 2 ل 3 كوب شوربة او ماء
ملح وفلفل
الطريقة
قطعى الطماطم قطع صغيرة
شوحى البصلة فى السمن و بعدين ضعى الطماطم عليها
وافضلى قلبيهم لحد ماتحسى ان الطماطم مبقاش فيها ماء
وتلاقى السمنة ظهرت على وشها يعنى زى ماتكون اتسبكت
ضعى الدقيق عليها وقلبيهم كويس جدا لحد ما الدقيق يختفى
ضعى الماء او الشوربة مع التقليب بسرعة برضة مع الملح والفلفل
اتركى الشوربة على النار بس تكونى موطياها حوالى نص ساعة
ثم صفيها بالمصفاة
بعد ماتصفيها ضعيها على النار وضعى الحليب عليها يا دوب غلوة
وبالهنا والشفا
13-09-1426 هـ, 12:35 مساءً
 
مسلمة احنا برضه نستغنى عنك
بس انا ازيك اختفى من الخميس الى الاحد لما اظهر عشان النت سهل عندى فى الشغل
سبانش انا صبحت ولا لا مش فاكرة
دون حمدالله عالسلامة يا جميل
13-09-1426 هـ, 12:35 مساءً
 
الله يسلمك يا سمسمتى
وزوزتى اخيرا ظهرت .......كل سنة وانتى طيبة انتى كنتى مختفية فييييين ؟؟؟؟؟
فى الشغل ؟؟ماشى يا سيتى ابقى قوليلى اخبار الشغل غلى الخاص ماتنسيش
هبة انا عندى 2 فرن واحد ناشيونال والتانى تيفال بس التيفال بيشتغل عادى وبالبخار يعنى يا بشغلة كدة او كدة والاثنين هايلين عندى بصراحة وشغالة بيهم على طول وبعمل فيهم كل حاجة حتى شوى الفراخ وبالنسبة للتيفال ساعات بشغل الخاصيتين مع بعض فبيقللى مدة الطهى
13-09-1426 هـ, 12:43 مساءً
 
شوربة كريمة الطماطم

بصلة صغيرة مبشورة
3 معالق زبدة
نص كيلو طماطم
2 معلقة دقيق
كوب ماء
2كوب حليب او شوربة
4 فلفلات رومى
ملح وفلفل
بيضة
كريمة لبانى
معلقة كبيرة جبنة رومى مبشورة
الطريقة

قطعى الطماطم شرايح
شوحى البصلة والطماطم والفلفل فى نص مقدار الزبدة
لحد ما يحمروا وبعدين ضعى كوب الماء
وسبيهم لحد ما يتسبكوا وبعدين صفيهم
نعمل بشاميل بنص مقدار الزبدة التانى والدقيق والحليب
بعيد عن النار نضعة على مقدار الطماطم اللى عملناة
ونضرب البيضة بالشوكة ثم نضيفها عليهم ونخلطهم كلهم
كويس جدا نضع الكريمة عليهم ونقلبها ونغرف الطبق
ونضع الجبنة الرومى على الوش وبالهنا والشفا
13-09-1426 هـ, 12:56 مساءً
 
13-09-1426 هـ, 02:00 مساءً
 


الساعة الآن 03:56 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏