ممكن يا رانيا تقوليلى بتعمليها ازاى ؟؟ واية اللى مش بيعجبك فيها بالضبط ؟؟؟ وعلى فكرة انا بعملها بطماطم حمراء ومستوية خالص منتظراكى يا رانيا
13-09-1426 هـ, 04:33 مساءً
 
ازيك يا دون
انا باقطع البصل صغنون خالص و عليه الطماطم المستويه 4 حبات و معلقه سمنه و ملح و فلفل علي النار لحد ما يتسبكوا و بعد كده احط الدقيق و اللبن بس باطفي و اضربها في الخلاط و اصفيها و ارجع احطها تامي و ازود شويه شوربه فراخ و نص كوب كريمه خفق و بس
لونها سيمون فاتح و مش عارفه مش زي اللي بشربها عند ماما في مصر
13-09-1426 هـ, 05:29 مساءً
 
] دون يا جميلة تسلمى يا رب على كل نصايحك عملت الرز اللى بالكركم وزيت الزيتون وطلع تحفة وتسلميلى يا رب ... معلش معرفتش اصوره لانى كنت اغرق اغرق فى المطبخ ... وفعلا كان عندك حق لما قلتيلى اعمله بزيت الزتون مش بسمنة بلدى وادينى يا ستى التزمت والنتيجة واو والله اختى الصغيرة عجبها جدا وقعدت تبصله على انه افتكاسة وتقوللى عاملاه ازاى ده وانا قلتلها حبقى اشرحلك اصله صعب اوى هههههه بس انا طبعا حبقى اديها الطريقة وعلى فكره قلتلها انه من وصفاتك يا قمر يلا سلام بقى تسلميلى يا حبيبتى

دلوقتى بقى عاوزة اعرف اعمل ايه كمان بزيت الزيتون
على اقل من مهلك انا مش مستعجلة وقت ما تكونى فاضية ابقى ردى
سلام يا قمر
14-09-1426 هـ, 03:46 صباحاً
 
صباح الفل والخير والسعادة عليكم جميعا
دندون ازيك أيه اخبار النت تمام ولا لسه وايه اخبار المطبخ أنا فتحت الباب واقعد استنى ورشيت ورد وفل وعملت اتنين نسكافية وفى الآخر شربتهم ودخلت نمت ايه الأخبار
مروة وشيرى ازيكم
وزوز كل سنة وانتى طيبه وعلى فكره انا فاكركى على طول علشان أسمك على اسم اختى
هبه ازيك لا ياستى زوجة اخى هى اللى تركية ولما ربنا بيفتحها عليها وتقف فى المطبخ بطلع حاجات حلوة بقلوا عليها هى مشكلة الأكل التركى انه فى الأكل معظمه فيه نعناع وثوم كتيير وانا مش بحب طعم النعناع فى الأكل والتوم مش فى كل حاجه
رواء ونهى أزيكم عاملين ايه
أم ابيها أزيك بصى كده برافو عليكى خليكى ماسكه نفسك لحد العشرة الأواخر علشان الدعوة تطلع تستجاب على طول شفتى الطمع بقى أنا مستنياكى علشان تدعيلى انا وياسمين اوعى تنسى فى الزحمه ربنا معاكى ياقمر ويقومك بألف سلامه
سمسمه أزيك وازى سمسمه
رانيا أخبارك ايه وحشتنى
مسلمة متزعليش ياستى مأنا كمان غبت يومين اهو ومفيش سؤال بس انا مش زعلانه اصل الدنيا صيام بقى عديها كل سنه وانتى طيبه
رونى ازيك فينك وايه اخبارك الأفتكاسات
منى أزيك وتسلم أيديك على الرز وعلى فكره فى ناس كتير بيطبخوا كل الأكل بزيت زيتون فقط لا غير
14-09-1426 هـ, 10:40 صباحاً
 
صبااااح الفل عليكم جميعا
أم ياسمين و انتى طيبه يا حبيبتى و انا مش زعلانه ولا حاجه دة بس عتااااب للأحبه
14-09-1426 هـ, 11:38 صباحاً
 


الساعة الآن 07:14 .