Analysis Services
صباح الفل يا رانيا عاملة اية ؟؟وازى البناتيت الصغيرين ؟يارب تشوفيهم عرايس اد الدنيا وبالنسبة لام ابيها انا رديت عليها امبارح على طول بالتليفون

هودهودا صباح النور واحنا كمان عايزين نشوف النونو بتاعك شدى حيلك بقى وخلى النونو هو اللى يروح يزور ياسمين
08-10-1426 هـ, 10:51 صباحاً
 
يا دزندزن صباح الفل
باقولك ايه معلش انا ان شاء الله هاعمل الكريم كرامل بكره الصبح و مقاديرك 4 اكواب لبن و 8 بيضات طب بيطلعوا كام قالب؟
انا عندي 6 قوالب بس متوسطين اعمل اد ايه لبن و بيض؟
ميرسي يا ديناااااا
بوسسسسسسسسه
08-10-1426 هـ, 12:22 مساءً
 
هي هبه و نودي فين؟
08-10-1426 هـ, 12:45 مساءً
 
ابلة دون حبيبتى لسة بدرى قوىىىىىىى
انا عاوزة اقولك على سر مش هتصدقى

جوزى كان بيشوف الورق اللى انا طبعاه وفيه وصفات اكلاتك وبيحب يقراه ويفضل يقولى الوصفة دى حلوة قوى والطريقة دى باين عليها جميلة
ولما بيشوفنى باعمل حاجة من الوصفات دى بيبقى مبسوط قوى وبيحب الاكلة وبيقولى تسلم ايديكى

عارفة بقى فى مرة كنا معزومين عند واحدة صاحبتى وعجبوا اكلها قوى او طريقة تقديم الاكل وتنظيم العزومة الكبيرة
المهم هيا كانت عاملة كفتة داود باشا فلما روحت كان نفسى فيها دورت على طريقتها عندك وعملتها وعجبت جوزى قوى وقالى انا ماكنتش بحبها قوى بس طريقتك دى جميلة
بعد كدة هى قالت لى على طريقتها وكانت مختلفة شوية فلما رحت قلت له انا هاعملها ذى صاحبتى قال لى لا دى مش كانت حلوة الطريقة اللى انت عملتها احلى (طريقتك يا ابلة دون)

وفى مرة عملت له صينية لحمة مفرومة بالبيض اول ماشافها قال لى الطريقة دى من صاحبتك اللى على النت؟ قلت له لا دى ماما كانت بتعملها لنا قال لى بسرعة تبقى مش حلوة لو من النت كنت اكلتها (بس فى الاخر اكلها بصراحة وخلصها وعجبته بس ماقاليش تسلم ايديكى)

المهم انا رغيت كتير
بس الموضوع مش محتاج تعليق
ابلة دون تكسب دايماااااااااااااااااااااااااااااااااااااااااااااااااااااااااااااااااااااااااا

انك تخلينى ارضى جوزى فى الاكل ويعجبه كدة ده قمة النجاح لان مامته طباخة ماهرة جدا واكلها لا يعلى عليه

لأ.... اكل ابلة دون يعلى عليه
تسلمى لى يارب
08-10-1426 هـ, 02:48 مساءً
 
تسلميلى يا هدهوتى يا ست العرايس ماانت حتفضلى عروسة لحد ما النونو ينورنا ...
ربنا يهنيكى ويسعدك .. وعلى فكرة يا هدهودا اول ما ايدك تمشى فى الاكله حتاخد نفسك وحتبقى بعد كدة بطعم ايديكى انتى يعنى كل ما تعملى اكله وتتقنيها حيبقى ليها خلاص طعم تانى غير طعم اكلى وغير طعم اكل صحبتك وساعتها جوزك حياخد على اكلك انتى و يقول الا اكل مراتى (طبعا هدهودا حبيبتى )
08-10-1426 هـ, 07:48 مساءً
 


الساعة الآن 12:49 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏