لا زعلانة منك يا هالة ...مكنتش متوقعة انك ماتجيش عندنا كل المدة دى حنسامحك بشرط انك ما تتاخريش علينا تانى ماشى الكلام ؟؟؟؟امال فى رمضان وانتم صايمين حتدخلوا الصفحة ازاى ؟؟؟؟

ازيك يا مروة حالا اول ما تدخل موتى حترد عليكى يا مروة علشان مشكلتك فى التحميل ...المهم ازى رودينا ؟؟؟؟اظن لسة معندكيش مدارس يا مروة ؟؟؟وسلمى لى على تماتيا واسئليها ابتديت فى بيتها تصنف ولا لسة ؟؟؟؟؟
كل دة منك يا ايرا انتى ورونى ..من ساعة ما نزلتوا صور التورت الخطيرة دى وكل اللى معانا فى المطبخ انهار فعلا يا عينى لعبتوا باعصابهم على الاخر ....فينك يا ايرا ؟؟؟؟؟ بس الصراحة دايما نلاقيكى عندنا اول واحدة فى المناسبات الحلوة





مساء الفول النابت يا نهى .... بصى يا سيتلى الفول النابت دة هو الفول الناشف زى اللى بندمسه بس اللى بيكون الفوله بتاعته حجمها كبير بتلاقيها كبيرة يا نهى حتى فية بيقولوا عليه الفول الامريكانى لكن بتاع التدميس بتبقى الفولة صغيرة وهو بيتشرى وبيتنقع بس بنغير المياة بتاعته ونحط مياة غيرها وبتسبيه لحد ما تلاقية نبت يعنى طلعت حاجة خضراء كدة من جواه وفية بياكلوا بعد ما ينبت زى الترمس والحمص بيعصروا علية ليمون وكمون وبياكلوا
وعلى فكرة يا نهى فية ساعات فى السوق تلاقية بيتباع متنبت جاهز عند البياعين تلاقيهم حاطينة فى طشت او طبق بلاستيك كبير واى خدمة





شكرا يا دون تسلم ايديكى. لو ممكن فية طريقة له بيسموها الفولية تقريبا بتتعمل بالطماطم كنت عاوزة طريقتها
دون يا احلى دون معلش انا مقدر على زعلك ابدا والله
خلاص يا ستي كل يوم حمضي عندك حضور
وخدي بقي بما اني جيت فلازم اطلب صح هو الدخول مش بالطلبات

انا يا ستي عايزه طريقه الكشك اللي بالجمبري عارفاه اعتقد بما انك بورسعيديه تبقي عارفاه
صح نفسي اكله قبل رمضان خصوصا ان ده موسم الجمبري عندنا هو بيتعمل بعجينه مثل الخبز وكمان بالصلصه هي دي الحاجات اللي كنت بشوفها وماما كانت بتعمله
يعنى يا هاله انتى حاطة شرط دخولك عندنا بالكشك اللى بالجمبرى ؟؟؟؟؟؟؟؟؟؟حاضر يا هالة غالى والطلب رخيص حكتبهالك ولما اشوف حنشوفك امتى ؟؟؟؟؟؟؟؟؟؟خليكم شاهدين







الساعة الآن 01:06 .