الفول النابت المقلي


كوبايتين فول نابت - كوب عصير طماطم - 5فصوص ثوم مفرومين
- بصلة مخرطة صغير - نصف ملعقة كزبرة ناعمة-
ملح - فلفل - ملعقة صغيرة بقدونس مخرط صغير -
معلقتين زيت او سمن
الطريقة:
نقشر
الفول النابت ونغسله
نحمر البصلة المفرومة في الزيت او السمن لحد ما تصفر

ثم يضاف الثوم المفروم والكزبرة
نضع عصير الطماطم ونخليهم على نار هادية لحد ما تتسبك الطماطم
ثم نضع فيها الفول و نقلبهم حوالى 10 دقائق
نزود شوية ماء ويترك على نار متوسطة لحد ما يستوى الفول
وزودى شوية ماء كلما احتاجت نضع البقدونس المفروم
ونخلية يغلي مع الفول غلوتين و يغرف
وبالهنا و الشفا
06-08-1426 هـ, 11:05 صباحاً
 
هو كله اجازة النهاردة يا تودى ؟؟؟؟ وبعدين تيجى ام ابيها تظهر الساعة 3 تقولى انتى فين يا دون ؟؟؟ كأن دون مورهاش مطبخ تانى وناس جعانين زى النونو بتاعها اللى هى مجوعاه وطبعا الزوجة ال13 مش جاية لانها نزلت تشترى حاجات من جهازها ربنا يسعدها ويجعلها الزوجة الاولى والاخيرة
06-08-1426 هـ, 11:09 صباحاً
 
لا متقلقيش يا دندون ام ابيها و النونو بتاعها اجازة يوم السبت يعني مفيش غيري حيصدعك النهاردة!!! و ربما بقية اعضاء العصابة مووتي و هبة يظهروا و يحاصروا الفرن!!!!

تسلم ايديكي على الوصفات الجديدة، احلى حاجة في مطبخك يا دون انه بيفكرني بمطبخ ماما، مش حاسة اني في مكان غريب او ان فيه حد غريب بيتكلم، لا حاسة بنفس النفس اللي كنت باحسه في مطبخنا طول عمري، تسلم ايديكي يا ست الكل

على فكرة ماما كمان كانت بتعمل الجمبري بالكمونية (فيه ناس بيسموها دمعة) و دي طريقتها سهلة جدا

عصير طماطم- معلقتين سمنة- ثوم مدقوق و ملح و بهارات و كمون (انا بأدق الثوم بالملح و لو احتاج بعد كده تظبيط باظبطه)

بنصفر الثوم في السمنة و بعدين نضيفله عصير الطماطم و الكمون و البهارات و انا باضيف معلقة سكر صغيرة عشان تكسر مزازة الطماطم. لما تتسبك ممكن نضيف معلقة صلصة او اتنين و بعدين نخف المقدار بشوية ماء لحد ما نحصل على سمك معقول للدمعة و بعدين نضيف الجمبري المقلي و لما تغلي غلوتين نطفي عليها و تتقدم جنب ارز السمك البني و سلطات
06-08-1426 هـ, 11:28 صباحاً
 
صباح الخير يا بنااااااااااااات

دوندون ازيك ،، معلش انا معرفتش ادخل اليومين اللى فاتوا النت كان فااااااااااااااصل عندى ومعرفتش ادخل خااااااااالص,,

بس شكلى ما واحشتكمش ،، صح ؟؟؟؟؟؟؟؟؟؟؟
06-08-1426 هـ, 11:32 صباحاً
 
كيكة بالتمر


4بيضات-كوب سكر - كوب ونص زبدة - كوب ونصف دقيق
ملعقة صغيرة بيكنج بودر - كوب تمرمنزوع النوى
نص كوب عين جمل
الطريقة
نضرب الزبدة فى الخلاط لحد ما تنعم نضع السكر على الزبدة
ونضربهم لحد ما يبيضوا نضع البيض بيضة بيضة ونضرب
كويس نضع البيكنج بودر على الدقيق ونضعه شوية شوية
على الخليط ونخلط بالمعلقة الخشب نقطع التمر قطعا صغيرة
ثم يضاف على الخليط ويخلط برضةبالملعقة تصب العجينة
في قالب مدهون او صينيةو نرش فوقها عين الجمل
ندخلهم فرن متوسط الحرارة لحد ما تستوى حوالى
ساعة الا ربع
وبالهنا والشفا
06-08-1426 هـ, 11:44 صباحاً
 


الساعة الآن 12:27 .