طريقة صنع الزبدة

اولا حنحوش القشطة بتاعة اللبن .ازاى ؟؟
الطريقة :
أغلىاللبن وسيبيه يبرد وبعدين حطية فى الثلاجة.
تانى يوم شيلى القشطة كلها من على الوش وشيليها فى علبة بلاستيك
وهكذا تحوشيها كل مرة تغلى فيها لبن لحد ما يتكون عندك كمية حلوة من القشطة بس
متقلش تقريبا عن 5 كيلولبن مثلا
ثم ضعى كل القشطة اللى انتى حوشتيها فى الخلاط واضربيها
حتلاقيها ساحت خالص ما تخافيش افضلى اضربى لحد ما حتلاقيها جمدت تانى وبقيت متكورة على بعض
برضة افضلى اضربى لحد ما حتلاقى ماء ظهر عندك فى الطبق وساب الكرة اللى اتكونت يعنى بقى عندك كرة من الزبدة متماسكة وماء منفصل عنها
ضعى الزبدة فى الثلاجة وكدة بقيت جاهزة للاستخدام والاكل
وبالهنا والشفا
10-08-1426 هـ, 11:42 صباحاً
 
اقتباس مشاركة  (Noody30)
سؤال برئ يا دون: عرفتي منين ان هبة شكلها بيبقى كده و هي سايقة؟؟؟ هو انتي ركبتي جنبها زيي قبل كده؟؟!!!!! >>>>>> ربنا يستر و هبة متشفش الرد ده!!
لأ يا نودى دى مش هبة اللى سايقة .... دة انا باعته واحد يدور عليها
يعنى وقعتى انتى فى الرد يا حلوة وانا طبعا حهدى النفوس واطلب هبة على طول اخليها تدخل تبص فى الصفحة
10-08-1426 هـ, 11:45 صباحاً
 
لا يا دون هبة مش حتيجي تبص، هو غالبا عفريتها اللي حييجي يعملني كفتة بانيه و يحمرني في الزبدة اللي انتي عملتيها!!!

دندون ممكن تقولي لي ايه هو اللومي الاسود ده و فوايده ايه؟؟ انا فهمت انه الليمون المجفف تقريبا؟؟ بس احنا بنجيبه منين؟؟ من العطار؟ و بنتستخدمه ازاي؟ مطحون و الا صحيح؟ و نكهته بتفرق في ايه؟؟

معلش اسئلة كتيرة بس جاوبيها براحتك مش مستعجلة عليها
10-08-1426 هـ, 11:55 صباحاً
 
ياااااااااااااااااااااااااا سلااااااااااااام يا دون دون على افكارك النيرة ...

انا غعلا كنت محوشة كمية نمن القشدة ى فى الفريزر وما كنتش عارفة اعمل بيها اية ...


بس سؤال
ينفع اعملها فى الخلاط عادى
ولا لازم كيتشن ماشين؟
10-08-1426 هـ, 12:04 مساءً
 
يا جماعة انا بالاقى صعوبة فى الاشتراك معاكوا
تسلم ايديكى يادون على الزبدة وعايزة اسال لوحبيت اعمل السمنة من القشطة اضربها الاول زيك يا دون وبعدين اسيحها ولا اسيحها على طول
10-08-1426 هـ, 12:11 مساءً
 


الساعة الآن 08:57 .