عندي بنت وملخبطه حياتي..الله بخليها لي..نوم متقطع وشغل طول اليوم ..من زمان عن الليالي الرومنسيه..ودي اغير عن الروتين

نظامي بعد روحة المدارس ارجع انام الى11
اسوي الغدا شي خفيف اعتقد الابدام او الفول ارحم من الكبسة )ماابي البطن تزيد اكثر مسموح فيها مرة بالاسبوع
ومرتين مكرونة للاولاد اما انالالالا

آخرالعصر نسكافيه
المغرب دراسة
العشا شي خفيف او من مطعم
الزوج غالبا بالعمل شفتات ونومه احيانا عكسي
الغسيل يومي تقريبا
الكوي حسب المزاااج اما يومين او كل يوم لبس
التنظيف العميق مرة بالاسبوع واوقات مرتين حسب المزاج
الترفيه ممكن مرتين او مرة بالشهر كببببتتتتتت
لهالسبب اسهر بالليل لوحدي معااااكم لو اترك النت رح انجز اكثر اوقات اقدر واوقات لاااا

اساس دمار وقتي
تويتر+عالم حوا+الواتس اب

تعطلت لاخلطات ولا مشي عشان الدايت ولا شي احس اني متقوقعه حول نفسي
يدوب اوكل عيالي وابوهم وكلن ع جهازه والعيال بغرفتهم واحد ع الايبود والثاني ع التلفزيون والثالث يلعب بالالعاب والاوان
حياتي كلها اجهزه ب اجهزه
اتفقت مع زوجي نفصل الوايرلس يوم بالاسبوع او يومين نعيش حياة طبيعيه ووافق بس م نفذ كالعاده
نفسي شركة الاتصالات تتعطل ثلاث ايام وترجع حياتنا زي قبل طفشت ومليت

اذا تركت الاجهزه ورحت للعيال اجلس ربع ساعه واطفش وارجع للجهاز
واحس نص النااس زيي
الاحظ الكل صار متقوقع حول نفسه في عالم النت عالم وهمي
حتى بيت اهلي صااار ممل وكيييب وم عاد احب اروح لهم كلن ع جهازه وم احد حول احد ولا عاد فيه روح ووناسه زي قبل

 نظامي أنا اصحى الصبح اصلي الفجر واجهز بناتي للمدرسه وبعد ما يطلعون  اروح ع الغرف ارتبهم وبعدين ع الغسيل والكوي وارجع أفطر ع الساعه 8 وأشوف لي مسلسل بعدين. ادخل المطبخ وأبتدي اجهز للغدى وإذ كنت مروقه مرررره جهزت شي للعصر حلى او معجنات واطلع من المطبخ 11 وانا حاطه جدول كل يوم أنظف شي يعني زي السبت والأربعاء اشطف المطبخ والحمامات كلها الأحد امسح غرفتي وغرفة البنات والمجالس 0الاثنين امسك كل التحف في البيت وأمسحها مع الدرايش والأبواب الثلاثاء أنظف الثلاجة واذا تحتاج غسيل غسلتهاوألمع الفرن  وأفك الكنبات واكنس اللي تحتها 0هذا كله وقت الصباح وبناتي في المدرسة أخذ راحتي مايحوسون علي بعدين يشرفون الحلوات وأغديهم واخليهم يحلو واجباتهم واذا خلصو أراجع لهم واشيك عليهم بعدين يجي العصر اطلع او تكون جمعت الجيران او انطق بالبيت ع التلفزيون ويأذن المغرب اعشي البنات واروح أصفط الملابس واغسل مراييل البنات اذا تحتاج ويأذن العشاء أخليهم يجهزو أغراضهم عشان ما اجلس أدور في الصباح وننااااااااام .طبعا في أشياء أسويها اذا احتاج الامر وهي الكنس ومسح السيراميك أنا ما دخلتها بالجدول وخميس وجمعه راااااحه .للعلم بيتي صغير مو كبير وفي حاجات أتكاسل أسويها فتتجمع علي زي الكوي والغسيل وتصفيط الملابس وأجلها لليوم الثاني بعدين بس ان شاء الله أشوف حل للمشكله هذي يمكن عشان ما حبها ....وبسسسس

انااصحا الفجر واصلي واقراء قران الين سته ثم يبدا الهواش والترفس اصحي واحد ينام الثاني تشوفوني مع هاالصبح اهواش فيهم هذا وانا جالس اجهزالفطور رايحه جايه خلاص اطلعوا كل واحد لمدرسته جلست انظف حوستهم خلصت ماعندي شي جلست اشيك علي منتدى حواء انام ثمنيه واصحا 11 واحضر الغداء نتغداء وارجع انام احيانا واصحى العصر اسوي قهوتي وامسك العيال كل واحد بزاويه وابدا اذاكر لهم اذان المغرب اطلق صراحهم اجلس اغسل ملابسهم وانظف احط لهم عشا خفيف وينامون علي 9 نبقي انا وبنتي الصغيره ضايقه صدورنا اشغل طق واجلس ارقص طبعا تتخللها اتصالات تهزي من زوجي قفلي المسجل ونامي الله يهجدك واقفله وافتح منتدي حواء واجلس الي 2 ثم انام الي 5 احس يومي مملل وطفش بس عالم حواء ادمان مرات بعز النوم اخذ جوالي واشيك اخاف موضوع جديد فاتني وسلامتكم