اقتباس مشاركة  (كيت كات123)
وانا كمان اضم صوتي لصوتك شلون ينعمل؟
وانا اعتقد ان اخواتنا العمانيات يعرفون لان عمان مشهورة بالليمون الاسود
28-08-1426 هـ, 04:22 صباحاً
 
29-08-1426 هـ, 11:44 صباحاً
 
بسم الله الرحمن الرحيم
السلام عليكم ورحمة الله وبركاته

اللومي اليابس


لابد من نشره في المزارع في المناطق الاقل رطوبه مثل مدينة العين
او عمان في مناطق المزارع لان تجفيفه محتاج حرارة وجفاف ففي الجو الرطب
يوم تكون الرطوبه عاليه في الجو يستوي لين ومب شي واحسن انواع الليمون
ياتي من مناطق عمان والعين في الامارات وقس على ذلك

كانوا قديما يهبونه على الدعون ينشرونه يعني على فرشه من جريد النخل الدعن

بس اذا عندكم مزرعه في البر انشروه هناك احسن من المدينه قرب البحر

وهو مب اكثر من نشره في الشمس لمدة شهر او عشرين يوم


هذي معلوماتي والله اعلم

اختكم شمس الامارات
29-08-1426 هـ, 06:09 مساءً
 
اضافة اخرى:

طبعا مادري اخواتي من وين بس باخبركم شي من التراث:

كان قديما ماشي مطابخ حديثه ومكيفات وهالخير كله

كان المطبخ في زاويه من الحوش المنزل وفي الاغلب مبني من جريد النخل
وبه تنور وطبعا الطبخ على الحطب

فكانوا ينشفون اللومي اليابس على هذا المطبخ فمع حرارة الشمس تكون
حرارة التنوروالطهي ويالله خير

جزاهم الله خير من عاشوا هذه الفترة و نشفو اللومي اليابس
يعني ينرادله حرارة عاليه فوق الاربعين في صيف الخليج الحار
على ما يقولون جلت القيض احر الاوقات

واللومي اليابس الحين متوفر في كل الجمعيات او السوبر ماركت في الامارات

اختكم : شمس الامارات
29-08-1426 هـ, 06:28 مساءً
 
احنا على وجه شتا واذا جا الصيف ودرجة الحراره 45 ابجرب طريقة شمس الامارات شكرا
29-08-1426 هـ, 11:00 مساءً
 


الساعة الآن 01:31 .