Analysis Services
السلام عليكم

بنات اول شي انا مااكل التمر ابدا
وزوجي ماياكله الا في فترات متباعده
ولما يجونا ضيوف اطلع تمر ويبقى منه وماارجعه بالكيس
اغلف الصحن واحطه بالدولاب
واللحين صار عندي كثير تمر متجمع ومغلف
فجمعته بعلبه طلع كميه بس مشكلته ميبس صار
وهو التمر اللي يجي لين مره ومعه دبس
مدي وش اسمه خلاص مدري اخلاص
المهم اني ابي اعرف كيف اتصرف فيه حرام ينرمي بالزباله
نظيف بس صار ميبس وش اسوي فيه
هل في طريقه ترجعه طري
لان مافي حيوانات بتاكله انا بالرياض
ومافي الا قطاوه وعصافير بالشارع
اعطوني حل
01-02-1434 هـ, 07:07 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
سويه عصيدة بالتمر
01-02-1434 هـ, 07:10 مساءً
 
ارسليه لمزرعه فيها مواشي
01-02-1434 هـ, 07:23 مساءً
 
فصصي التمر كله يعني تخلصي من الفصم وحطي التمر
في قدر كبير وحطي عليه مويه تغطيه وخليه يطبخ على النار
مع التحريك المستمر الين يذوب التمر تقريباً لمدة ساعه
يصير عندك مثل المربى زي قوام المهلبيه يسمونه الرباب
بكسر الراء
حطي في علب بلاستك وعالفريزر تقدرين تستخدمينه
في عصيدة التمر وكيك التمر وتارت التمر وحلويات كثيره
كمان ممكن تاخذين منه ملعقه وشوي قرفه وفلفل اسود
وتطبخينه مثل الشاهي ايام الدوره ينظف الرحم

والعجم او الفصم حمصيه في الفرن واطحنيه
ينحط مع الزيوت لتطويل وتقوية الشعر 
01-02-1434 هـ, 07:32 مساءً
 
فصمى التمر واعبكية مع زبدة او سمن وعملى منه تمرية بالمكسرات والجوز انا هذة طريقتى استحرم ارميه
01-02-1434 هـ, 07:36 مساءً
 


الساعة الآن 06:27 .