مرحبــا يا خواتي ..كل عام والجميع بالف خير .. ورمضان كريم على الجميع .. حبيت من خلال رسالتي البسيطة هذه ان اوجه رساله شكر واعجاب للأخوات الغاليات .. توتة الحلوة ( ام خليفة ) وهايدي 1000 ( ام احمد) وام عزوز .. اولا اقوللهم اني تشرفت بمعرفتهم ..وثانيا على الروائع اللي اشتريتها منهم .. وابدي بالاخت ام خليفة وخذت من عندها دخون ملكي ..طبعا رووووعة ومخط الحجر الاسود (يوم وديته بيت اهلي خواتي طبقوا فيه المثل اللي يقول يوم انه عطر غيرك تسبح به )وخذت مخلط شيخه..وغناتي..وبنت النوخذه .. وريانة العود .. وعيون المها ريحته روعة .. وهي بعد ما قصرت طرشت لي عينة من مخلط الشيخ ..بصراحة كان فظيع ..يعني من الآخر عطوراتها جدا جميلة .. والاخت هايدي (ام احمد ) خذت عنها كل انواع الدخون والعود المعطر ومن روعة روايحهن بصراحة تنهبلين ... وحتى الطلبية اللي استلمتها من ام عزوز وبالذات الدخون الشيوخي ومخلط عربي شيوخي ومخلط لطيفة هذا طبعا عجيب .. وخذت دخون مثير وعفرا والاميري ...بصــــراحة يا خواتي جربوا من كل هالانواع صدقوني ابدا ماراح تندمون .. وخاصة اللي مسوينهن بنات البلاد وكلنا ندري ان دخون هل الامارات وعطوراتهم مميزة ورهيبة وروعة وجنان .. مشكورين يا خواتي ووياكم بعد الاخت الرفيعة اللي كنت ماخذه منها قبل ..
23-08-1426 هـ, 02:19 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
مرحبا بالغاليه
حبيت اني اشكرج على المبادره الطيبه اللي ادل على ذوقج وعلى طيب اصلج
وانا اللي اتشرفت بمعرفتج يالشيخه ..وتستاهلين كل خير يالغاليه
وعليج بالعافيه ..والمكسب الحقيقي هو اني عرفتج وتسلمين على هالكلام الطيب
وشهادتج في الدخون او المخلطات شهاده واعتز بها
وان شاء الله ان يكون لنا تواصل ثاني

واسمحي لي الغاليه على القصور

اختج ام خليفه
23-08-1426 هـ, 04:35 صباحاً
 
بالعكس اختـــي ام خليفــة ..احنا يوم نشتري شي يعيبنا من اي محل في السوق مانخلي حد ما نخبره ... وانتوا خواتي وبنات بلادي والله لو شو اقول عنكم تستاهلون وزيادة .. والله يشهد اني ما اجامل ... ومجموعتج من العطور والدخون فعـــلا رهيبة .. والله يعطيج ألف عافية
23-08-1426 هـ, 12:57 مساءً
 
تسلمين الغاليه و االخوات يستاهلون كل خير

و ان شاء الله انا بتعامل وياهم قريب
23-08-1426 هـ, 01:56 مساءً
 
الله يوفقكم و يديم السلام و السعادة بيننا جميعاً و كل عام و أنتم بألف خير
24-08-1426 هـ, 02:55 صباحاً
 


الساعة الآن 11:00 .