انا واخوي وخطيبي ...،/

السلام عليكم ورحمه الله وبركاته
كيفكم بنوتات ****لله بخيرر .. 
طبعا انا بالنادر اكتب مواضيع او ارد بس والله دايما متابعه لكم وادعي لكل وحده تطلب الدعاء
الموهم ... انا زواجي كان ف عيد الاضحى بس تاجل ل شهر ثلاثه والحمدالله خيره من ربي 
طبعا حاليا جالسين ناثث الشقه وهو طلب مني انو اطلع معه واختار الاثاث طبعا طلعنا انا واختي الكبيره و زوجها و خطيبي ( طبعا انا وهو طلبنا منهم يطلعوا معنا منعا للاحراج لي وكمان لانو زوج اختي اقرب صديق له ) 
الموهم طلعنا وخذينا الادوات الكهربائيه و غرفه النوم و ع اساس الطلعه الثانيه بتكون ل دولاب المطبخ و الصاله والمجلس 
اللي صار انو انا لما طلعت كلمت امي ( ابويا حاليا مسافر) بس للاسف ماعطيت اخوي الكبيًر خبر انو بطلع معه وهذا طبعا غلط مني انا كان المفروض اخبره بس يشهد الله علي ماكان قصدي شي وراحت عن بالي الموهم اخوي الكبير وامي كانوا يتقهون ويتكلموا وسالها اذ كنت انا محتاجه لاي شي ف قالت له امي انو طلعت اختار الاثاث وكذا ف زعل ليش ماخبرته واستاذنت منه والله والله معه حق بس وربي نسيت ماجا ف بالي وقال المفروض كانت تخبرني انا مو اي احد ثاني ( طبعا قصده امي واختي و زوجها ) طبعا اخوي هذا ماقدر اوصفه ب اي كلام وربي اتعب وانا اقول انه انسان حنووون جدا علينا وشخصيته قويه ومكانته ب قلوبنا كلنا انا واخواني واخواتي غيييير عن اي شخص دايم يهتم فينا ويبي نكون اسعد الناس الله يخليه لنا تاج ع روسنا 
الموهم جتني وامي قالت لي كل شي قالت لي هو مو زعلان منك بس عتبان علي لانو ماخبرته ولاخطيبي خبره انو بطلع معه 
اليوم رحت عند اخوي وحبيته ع راسه واعتذرت منه وقالي انا مو زعلان ولاشي بس كان ضروري اعرف مو عشاني اخوك الكبير بس عشان يعرف خطيبك انو وراك اخوان ورجال يوقفون معك بكل شي الموهم قالي لو تبين انا اطلع معك وتختارين باقي الاشياء ولايهمك بطلعك ( رغم انو توها زوجته ولدت لها يومين بس يعني مشغول ومع كذا مانساني) 
الموهم كلمت ب خطيبي بكل شي وقلت له وتحسس هو من الوضع لانو حيل يحب اخويا هذا ويحترمه بس قالي انتي زوجتي يعني عادي لو طلعنا ومن هالكلام انا فهمته وقلت له الغلط مو منك ولا من اخوي مني انا لانو ماكلمت اخوي من البدايه الموهم تضايق كثير وقالي خلاص لانروحين تكملين الاثاث ولاشي انا بروح لوحدي واختار بصراحه اخاف يروح يختار ومايعجبني خصوصا الصاله ابيها ع ذوقي لانو راسمه شي ببالي
اللحين قفل منيوهو متضايق رغم انو حاولت اخليه يطنش الوضع بس ماقدرت ف تركته براحته 
مانكر بعد ماقفلت من عنده تضايقت وبكيت لانو انا السبب خايفه يصير يتحسس من اخويا الكبير لانو وقتها انا ماراح ارضى يكون بينهم اي نوع من الحساسيه اخويا والله العظيم مو معطي الموضوع كل هالاهميه وعارفه لو استذنته اطلع مره ثانيه ماراح يقولي لا بس خطيبي قالي خلاص انا بختار كل شي رغم ان عطيت خطيبي حلانو انا اروح اختار وهو بس يروح ياخذه بس قالي لا خلاص انا بختار كل شي ريحي راسك من هم الشقه وماراح اختار اللي يعجبك وانو مو زعلان مني بس مدري ليه متضايقه حييييييل من الموضوع والوم نفسي من البدايه 
تكفون قولوا لي وش اقوله بكره لو دق علي .. انا ادري بيدق ويراضيني بس انا ابيه يدق ع اخوي الكبير ويستاذنه بس قالي خلاص انا بختار كل شي واخوك ع راسي من فوق واخاف اخليه يختار ومايعجبني مدري وش اسوي او وش اقوووله !!؟ 
اسفه طولت بالموضوع .. بس ابي كلام وراي سديد منكم 
احبكم ي اغلى اخووووات