السلام عليكم ورحمة الله وبركاته..
الجو ماشالله حلو هالأيام.. ومايحلى الجو الا بالشواء سواء في الحوش أو في البر أو على البحر..
من يومين شوينا في بيت الوالد الله يحفظه وهاذي بعض الصور..
حاولت أرصهم مع بعض حتى ماتزيد الصور بس بعطيكم اللي سويناه في البيت واللي كان من برع..
هاذي صورة لجميع المشاوي..
.
البطاطس قطعناه وتبلناه بفلفل أسود وملح وأوريجانو وفيه منه ضفناله فلفل أحمر.. وطبعا زيت زيتون ضروري..
الصورة اللي ع اليمين قبل الشوي.. والهنتين الباقيات لما انتهوا يميييييييييييييي
المشروم نفس خلطة البطاطس.. بعد يمييييييييييي وهو حار..
الربيان والحبار أختي متبلتنهم..
الربيان ببهارات وصويا صوص.. وطماط شوي..
الحبار ببهارات وصويا صوص وقطعه معاه طماط وبقدونس وبصل أخضر..
العرايس من اللحام يمييييييي وايد لذيذ ماشالله..
تكة دجاج ولحم بالروب.. بعد من اللحام..
وهاي صورة منوعة بس نسيت أصور التبولة والحمص والكستناء بالنهاية.. وبعد شويت فندال اللي هو بطاطا حلو وكان خاطري فيه بس للأسف ماكلت منه واللي كلوه مدحوه.. قطعناه أنصاف ولفيتهم بقصدير بدون أي اضافة وحطيتهم ع الفحم مباشرة.. لحد ماتعشينا.. كان مستوي ومهتري وجاهز...
وبعد مسوين كرك وماصورته.. وان شاءالله أصورلكم زيادة في المرات القادمة..
وحياكم الله..
.