عساها الخيره قولي لي وأقول لك موقف اوقصه عن كذا وخلينا نرضى بماكتبه الله لنا

موضوع حلو

ما اتذكر شي الحين اذا تذكرت قصة بسدحها هووون

يارب`
گُلّمَآ تَذَكّرَت قَولَگ :-
” و لَـ سَوفَ يُـﻋطِيگَ رَبُگَ
فَـ تَرضَىْ “ ..
| . . يَتَلآشَىْ هَمّيْ ` ♥

لََآ ٳلَ?ْ ٳلَّآ ﺂللَّ?ْ ..
اللّهم ،،
لكَ الحمـد حتّى ،،" ترضى "
وَ لَك الحمَـد آذآ ،،" رضيت "
وَ لك الحمـدُ بعد ،،" الرِّضـآ

موضوع حلو تشكرين عليه
اذكر قصه قريتها من زمان ودايم فبالي يقول لك كان فيه ملك عنده وزير وهالوزير يؤمن بقضاء الله وقدره وكل ماتصير مصيبه يقول عساها خيره
ومرة كان الملك يرمي بسلاح وانقطع اصبعه وزعل وتضايق وكان وزيره جنبه قاله ياطويل العمر لاتضايق يمكن بالامر خيره هنا الملك ضايقه به الدنيا قال تراك دبلت تسبدي خيره وخيره وش الخيره بقطع اصبعي يالهيس الاربد ونادا على حراسه قال اجدعوه بالسجن لاعاد اشوفه ذا النفسيه
وتروح الايام وتجي ويطلع الملك برحلة صيد هو وحاشيته وحراسه وركب حصانه وانطلقدز بالبريه يدور الصيد وهو يضيع شرقه من غربه يدور ماعاد يدري وين ربي دزالعه
ويمسي عليه الليل يامار يشوف له هاك النار الله يعيذنا منها من بعيييييد قال بس جانا الفرج
يوم قرب لهم واثاريهم الي ياكلون الاوادم شابين نارهم ويرقصون حولها وهو الي يستانسون قالو جانا صيده والملك مربرب ويصيح بهم بس مايعرف كلامهم ولاهم يعرفون كلامه
المهم ويكتفونه من راسه لرجليه يبون يضحون به للصنم حقهم وياكلونه وناضروا به شوي ويكثر رطينهم ويطلقونه ويحط رجله الملك ويركض ياما جوه اخوياه يدورونه ويرجع لقصره
يوم جا قال طلعوا لي الوزير الي سجنته لانه ذكي وحكيم يبي يسأله عن الي صار له
ويجيه وزيره ويقول له السالفه قال تخبر يوم اقول لك خيره قطعة اصبعك وانت تقول موسوس ونفسيه وجدعتن بالسجن تدري منهم هالي امسكوك بالليل تراهو يبونك ضحيه لآلهتم بس يوم شافو اصبعك المقطوع قالو مايجوز ذا ناقص نبي ضحية كامله واطلقوك
قاله الملك طيب يوم انا اسجنك ذاك اليوم وانت ماشي تقول خيره خيره هالحين وش الخيره بسجنتك
قال لو انا معك ليلتها كنت انا الضحيه بدالك خيره اني انسجنت

ان شاء الله عجبتكم هذرت واجد

الحمدالله على كل حال انا قصتي انخطبت لرجل اعمال غني وشكله صغير ماتعطيه انه بالخمسين المهم سويت النظره واعجب في مره وعجبت فيه وتفقنا على كل شي المهم امي شرطت انها تسائل زوجته لان امي ماتبغاني اتزوج واحد متزوج وهي صادقه بس اناكنت ابنجن عليه الاابغاه بس قام يلف ويدور واخر شيء قال خلاص مافيه نصيب عشان مايبغانا نكلم زوجته واهلي ويعرفو مكان فلته بس مراح احد سائل واناخلاص تحطمت لأني ماتزوجته المهم وتمر فتره يعني يمكن ثلاث شهور اوكثر ونسمع أن هذا الرجال يتزوج من برئ عائلتهم وياخذه فتره ويطلق طلق كذا وحده الحمدالله الحمدالله الحمدالله. اني ماتزوجته كل ماتذكر اقول الحمدالله الواحد مايدري فين الخيره وربي عوضني بواحد الحمدالله صح الماده شوي بس الحمدالله يارب لك الحمد حمداً كثيرا

الحلو مرورك خلاص إحنا في انتظارك