قصة ولادتي 20/12/2012 لأحلى كروشات

السلام عليكم ورحمة الله وبركاتة..
كيف الحال جميعا..
اول شي احب اشكر كل من كتبت خلطة او طريقة او دعاء حبت تنفع فيه نساء المسلمين. .
لأن يعلم الله كيف عاد علي بالنفع والتسهيل بالولادة وبقولكم بالاخير وش الاشياء الي سهلت ولادتي والفضل لله اولا واخرا
والان الى القصة..
فجر يوم الاربعاء صحيت لصلاة وصليت والامور جدا هاادئة طبعا كنت عند اهلي جلست بالصاله فجاءة حسيت بشي طق تحت ما امداني اقول شكله هذا الي يقولون طقه الراس اذا نزل للحوض الا شي وانفجر مويات تصببببببب. . واركض على الحمام وبعدها بشوي تنزل ثانية واتصل على زوجي يجي وامي تسالني معك مغص وانا ابدا ما احس بشي وتركض تسوي لي كف مريم واشربها وبعدها بنص ساعه جاء زوجي ورحت انا وامي للمستشفى وبالسيارة سوالف ولا كان فيه شي الا اللهم مغص محتمل لين وصلنا وبعدها بالطوارئ على طوول يوم قلت لهم المويات نزلت ودوني غرفة الولادة كانت الساعه 8 كشفت قالت واحد سانتي ولا معك طلق وودوني جناح ماقبل الولادة قالت بنخليك اربع وعشرين ساعه تحت الملاحظة لان المويات نزلت وبنعطيك مضاد عشان ماتجي البيبي التهابات بسبب نقص المويات طبعا انا عيوني صارت 0 0 غريبه المويات نزلت ويخلوني طبعا بكرية ما اعرف اسكت واستودعت الله نفسي وولدي ودوني جناح ما قبل الولادة وكان وقتها الظهر وجلست لين الساعه 3الفجر من بكرا مافيه طلوق ولا فيه اي الم وعلى الساعه 3 ونص بدت طلووق كلما لها وتزود لدرجة ما اقدر اجلس وبعدها جلست ابكي واناديهم لين ودوني غرفة الولادة وكشفت لقته 6 سانتي وانا اصيح ابغى ابرة ظهر ووقعت وانا من زمان مخططة اخذها وجهزوني وسوو لي قسطرة الى ظهري بدت الممرضة تمسحة بالمعقم مير يستدعون اخصائي التخدير واثاري عنده عمليه قالوا بيجي بعد 45 دقيقة وانا كلما لها الطلوق تشتد أخر شي جاء قال خلاص مايمدي انتي حاله ولادة والرحم 7 مفتوح حمدت ربي وسألته ان يعيني لان الالم كان قوووووي وحط لي الكمام الي مثل قلته بس يدوووخ. . يوم مرت ساعه وتبدا الكرب ثلاث خلاص ادفع غصب وانا حييييلي ميت والحمد لله شرف ولدي على الدنيا بحمد من الله ونعمه...
... . صحيح بتقولون طولتي بس والله ان ربي يسرها وربط على قلبي ورزقني الصبر كلللللللله بسبب الدعاء ثم الدعاء ثم الدعاء. .
كنت دايييييييم ادعي اللهم سخر لي من احوجتني اليه وقت الولادة بكل صلاة
واستغفر كل يوم بنية تسهيل الولادة واردد دعاء ذي النون لا اله الا انت سبحانك اني كنت من الظالمين.. كلها اخذتها من مواضيع من هنا الله يجزا كل من كتبت ونوت الخير والنفع خير الجزاء. .
والشي الثاني خلطة اخذتها من موضوع هنا اقسم بالله صادقة انه فتح الرحم عندي سبعه والالم محتمل لاكن انا غلطتي اني جلست عندهم يوم كتبوا لي تنويم
هنا تلقون الخلطة
http://forum.hawaaworld.com/showthread.php?t=2802614
هذي قصتي وحبيت تشاركوني واعتذر على الاسلوب الغير مرتب دعواتي لكل الحوامل بالولادة السهله الميسرة ويرزق كل محروم بالذرية الصالحة


ختما ارجوووووكم ابي تفيدوني عن الخياطة كيف العناية ومتى تطيح الخيوط. ..وجزاكم الله الف خير