اقتباس مشاركة  (neesah)
قطفيها من العروق وغسلي الاوراق كويس جدا وصفيها

بعدين اطحنيها في الخلاط

كشني شوية بصل وارمي عليه دجاج وشوية بصل كمان وفلفل احمر وهرد وملح وشوحي الين تنشف موية الدجاج

حطي عصير حبتين طماطم وموية شويييييييية وقفلي الغطا الين يستوي الدجاج تلاتة ارباع السوي

بعدين ارمي عليه الملوخية وسيبيها ربع ساعة

كشني شوية ثوم الين يحمر وحطي ملعقتين كزبرة ناشفة وشوحي شوية وحطيه عالملوخية بزيته وقفلي النار

وبالعافية. انا احب الملوخية تقيلة وما تعجبني اللي مافيها تعب وزي الموية احسها من غير طعم

وان شاء الله تعجبك
16-02-1434 هـ, 12:00 صباحاً
 
الملوخيه دايما لذيذه

ملوخيتي نفس ماقالوا البنات بس من غير طماطم

موفقه حبوبه
16-02-1434 هـ, 12:42 صباحاً
 
هذي طريقتي وصدقيني اذا جربتيها راح تسوينها دايم
وزوجي يموت فيها وحب الملوخيه من طريقتي

اول شي اذا كنتي تطبخينها لحم او دجاج

قطعي بصل حبة و4 ثوم والافضل اذا كان عندك فرامه افرمي فيه البصل والثوم
وحطيه بالقدر واحمسيه شوي وبعدين اطحني حبة طماط وحطيه مع البصل والثوم وحطي بهاراتك وشوي ماجي ابيض او حبة من الماجي العادي وشوي فلفل اسود وملعقه وسط ليمون اسود مطحون وملح وحطي اللحم او الدجاج وحركي شوي وبعدين حطي مويه فوق اللحم وخليه يطبخ 45 دقيقه وشوفي اللحم نضج والمويه نزلت وفيه شويه مويه حطي الملوخيه وانتي قبل تكونين مغسلتها وطاحنتها وحطيها على اللحم وحركي وخليها 20 دقيقه لين تنضج وبس اما اذا كانت بدون لحم او دجاج سوي كل الطريقه ماعدا المويه لاتضفينها ..

موفقه ..
16-02-1434 هـ, 06:12 صباحاً
 
ملوخية شوق مدري شروق موضوعها مشهور هنا لزيزه بصراحه ابحثي عنها

وطريقة نيشا كمان نفس طريقتي لزيزة اللي كاتبتها فوق مدري اسمها صح كذا (:
16-02-1434 هـ, 07:15 صباحاً
 
استفدت الله يجزاكم خير
16-02-1434 هـ, 08:09 صباحاً
 


الساعة الآن 08:08 .