مثل ما قالت الاخت
ترا بعض مرضى الفصام ما ياخذون العلاج
يرمونه..  ويوهمون اهلهم انهم ياخذون علاج
انتبهي يمكن اخوج ما ياخذ العلاج بس يوهمكم

لازم تشوفون بعينكم انه ياكل الحبوب 
والله يشافي جميع المرضى

حنا نعطيه اياه و الحمدلله ياخذه لانه نهدده بتنويمه في الصحة النفسية و هناك يعاملونهم مثل الغنم الله حسيبهم

تنوم فيها شهرين بغى ينجن

يرشونهم كل صبح بليات الموية الباردة يحممونهم جماعي و الحمامات بدون ابواب غير المعاملة الجافة


في البداية كان عدواني مرة كل شي يكسره و يهدد بالقتل

مع الادوية صار منطوي و لا يخرج من عتبة باب غرفته الا للحمام و لا يفكر يعتب باب البيت

الوسواس و الخوف الدائم و القلق ذبحه مستمر على طول

ما ينام الا بالمنوم

اختي مسك ليتك تتواصلين معي خاص نفيد بعض

ما طبينا للحين في دكتور زين

اسأل الله ان يشفي مرضانا و مرضاكم و مرضى المسلمين

و انتي اختي لا للخلطات ودي نتواصل من اجل مساعدتهم الله يشفيهم

يقطعون القلب حياتهم متوقفة لا دراسة لا عمل لا زواج لا مجتمع و فوقها ليتهم على الاقل يحسون بالاطمئنان

اللي عندي عيونه تبي تطلع و قلبه يبي يفز من ضلوعه من الهلع الدايم

يارب الطف فيهم و اشفيهم

آخر علاج يستخدمه الان من ست شهور هذي و لا جابت نتيجة غير انها خففت الحمدلله من الميول الانتحارية

لكن الرعب الدائم و التعرق و خفقان القلب ملازمه

و الله يوم ارقيه و اضع يدي على قلبه اني احس ان قلبه يبي يخرج من ضلوعه من تسارع دقاته من الرعب



سيبرالكس 10 ملج حبتين ليلا
ليبونكس 25 ملج حبة صباحا و حبة مساء
ريسبردال 2 ملج حبتين صباحا و حبتين مساء
انديكاردين 10 ملج حبة صباحا و حبة مساء
ديباكين 500 ملج حبة صباحا


يتعبنا ما يعتب عتبة البيت لمواعيده من شدة الرهاب يجي الطبيب لحد البيت

اللي خلاني اكتب مشكلته هنا يمكن تعرفون احد تشافى و الدال على الخير كفاعله

حاولت اتواصل مع المواقع النفسية زي نفساني و الحصن النفسي و اسلام ويب ما لقيت فايدة تُرجى

غير اني كل ما سمعت عن دكتور زين نتواصل معاه ماغير يبدلون بالادوية اللي ما جابت نتيجة

غير الانتكاسة بين كل علاج و علاج ترجع له الميول الانتحارية وقتها لين يتأقلم على العلاج الجديد بس اللي يختفي الميول الانتحارية و تخف شوي الهلاوس السمعية و البصرية و هكذا
و الرعب باقي

كم عمره اخوك حبيبتي
اذا لساته صغير في امل ان شاءالله قوي. والامل بالله ما يخيب

الهلع المفروض تهديه الادوية ع الاقل شوي دامه ياخذ كل هالمسكنات هذي! اما الافكار الانتحارية هذي دايما موجودة عند مرضى الفصام هذا واحد من اعراضه.
واحيانا اذا كان صغير يكون من اعراض الادوية النفسية بعضها تزيد الميول الانتحارية

طب يا قمر ما فيكم تاخذونه لمستشفى نفسي يتنوم فيه يكون احسن من اللي في منطقتكم ؟

اللي تقولين يروشونهم جماعي ويعاملونهم زي الغنم ؟ .. في وين هذا ؟
ليش ما تشتكون عليهم ؟
يعني المريض النفسي ماهو آدمي له كرامة. اشتكوا والله مساكين المرضى ينرحمون

للأسف هذا واقع عالمنا العربي. الطب النفسي شغله تجارب على تجارة
مافي اهتمام حقيقي
وحتى لو رحتي لدكتور معروف تلاقينه يادوب يعطيك كم دقيقة بدون لا يسمعك زين
الشكوى لله.

بس انا متفائلة جدا ان الشفاء باذن الله قريب بالصدقة والدعاء والصبر.
.. من فترة حلمت حلم وفسرته لي المفسرة في عالم حواء انه راح يشفى. وراح يكون لي دور في شفاءه بعد ارادة الله.
وكثير انبسطت وارتفعت معنوياتي. الله يكتب الشفاء لكل مريض يارب

عشان ارفع معنوياتك كمان. صادفت شخص عنده bipolar- ثنائي القطبين.
كان يقول ان الاعراض اختفت معاه عشرين سنة كاااملة. عاش حياته فيها جدا طبيعي
بس كان جدا منتظم على علاجه

بس للاسف رجعت له الاعراض وهو على مااظن بالخمسينات. مع ان لما قابلته كان يبدو جدا طبيعي
وهو يقول المرض هذا معاه من كان عمره 12 سنة
... بس متعايش معاه جدا

فـ كل شيء ممكن. صدقيني الانتظام ثم الانتظام على العلاج. وحطي في بالك ان الادوية الجديدة تاخذ مدة يمكن 6 شهور يالله تبدأ تأثيرها. فخليكم صبورين

اما بالنسبة للهلع ليش ما تحاولون تعالجونه سلوكي ؟ بحيث انه يسيطر على نوبات الهلع لا جاته ؟

يعني مثلا تدربونه لا جاته النوبة مثلا يتوضى ويجلس او يغير مكانه ويستغفر او يقرأ آيات السكينة
يعني تعلمونه طرق يحس نفسه في موضع قوة وانه هو المسيطر مش الهلع اللي مسيطر عليه

اذا اخوك يتواصل معاكم ويتقبل الكلام منكم صدقيني هذي نعمة ماشاءالله
اللي عندنا التواصل معدوم اصلا ما نقدر نسوي شي


الله يكون بعوننا وعونك يارب