ررفع
22-02-1434 هـ, 04:42 مساءً
 
انين الحرمان شكرا الله يسعدك ستفدت منك وااايد اشياء
22-02-1434 هـ, 04:48 مساءً
 
ياحلوه كلنا في البدايه كذا

انصحك بكتاب اطباق النخبه ماينفع للمبتدئات غيره

البهارات

الافضل تاخذي فرش تطلبي يطحن لك البهار قدامك وحطيه ببرطمان قزاز بالفريز وكلعي مقدار حاجتك بس

انا البهارات اخذها من حرمه

الباطس يصير قاسي لانك تقطعيه سخيف مرره

تقديم السفره يعتمد اعتماد كبير على صحونك

ودايم زيني الصياني بالخضار

وعموما سفرتك اذا على طاوله افكار التقديم اكثر من لو على الارض

ادخلي قوقل واكتبي تنظيم سفر وروحي للصور وشوفي

اذا صار عندك ضيوف نسقي من بدري ايش بتعملي وكل شي ايش الصحن الي بتستخدميه عشان اذا جاو ماترتبكي
22-02-1434 هـ, 05:00 مساءً
 
بنيه كلها حنيه سكرا لك واحنا ناكل ع الارض
والبطاطس بالعكس اخليها عريضه
22-02-1434 هـ, 06:37 مساءً
 
حتى انا ارتبك لو احد بيجيني عشان التجهيزات

بس انا اقولك شي

انتي ادخلي الاقسام هنا وخذي لك كم طبق وجربيه وزي كدا

اللي يعجبك اعتمديه وبيكون خلاص صار سهل عليكي

يعني مثلا ادخلي قسم المعجنات وطبقي وشوفي العجينه اللي تعجبك تصيري تسويها دايما لو جاك احد

انا اعتمدت عجينة هنوده الذهبيه زي القطن ..

وكمان قسم الشوربات والمقبلات جربي الصواني والشوربات اللي هناك واللي تعجبك اعتمديها

ونفس الشي الاطباق الساخنه الكبسات

انا جربت كدا وحده وبالنهايه اعتمدت كبسه لاختي ابداع تونه وبسيطه جداا

ونفس الشي للحلويات ..

وبالنسبه للشاهي والقهوه

اهم اهم شي بالشاي انو يكون جديد يعني مو تحطيه بالثلاجه ويجلس لاخر الليل يصير ماسخ عن تجربه

اغلي المويه وحطي عليها فنجان قهوه سكر واذا الشاي تلقيمه ( حب ) خذي بيدك مقدار وحطيه بالبراد وخليه يغلي

وبعدين طفي عليه وخليه كم دقيقه يركد واذا بتحطي نعناع تحطي بعد ماتطفي النار عليه ونفس الشي الحبك

او ممكن كمان تحطي معاه حبتين هيل مدقوقه دق بسيط وتخيها تغلي معاه تعطيه نكهه حلوه

او تضيفي غطا موية ورد بالثلاجه حسب ماتحبي جربيها كلها واعتمدي اللي تعجبك

بالنسبه للقهوه

اغلي المويه وحطي بالبراد ثلاث ملاعق كبار بن وخليه يغلي ربع ساعه

بعدين طفي عليه النار وخليها تركد شوي

وجهزي الثلاجه حطي فيها ملعقه كبيره هيل مطحون او مدقوق دق وملعقه بهار القصيم وصبي عليها القهوه


هذي طريقتي بالشاي والقهوه

وبالنسبه لانك ترتبكي وتسوي كل شي سريع

انتي اهم شي لمن تعرفي انو احد جاي عندك جهزي ورقه وقلم وشوفي الاطباق اللي بتسويها وممكن تسوي يعضها قبل بيوم

وتسخنيها بنفس اليوم

والصواني نفس الشي ممكن تسويها قبل بيوم واللي تكون الطبقه الاخيره ( قشطه وجبن ) تسويها بنفس اليوم وتحطيها بالفرن

وزي كدا قيسي

ومو لازم تكون الاطباق كثيره ..

وبالنسبه للبطاطس يمكن النوعيه هي السبب

افضل بطاطس للقلي بطاطس حائل او اللبنانيه وسمعت من بنات هنا بطاطس الجوف كمان

موفقه حبيبتي وان شالله اكون افدتك ولو بشي بسيط ..
22-02-1434 هـ, 11:19 مساءً
 


الساعة الآن 04:04 .