ما قصور البنات بيض الله وجيههن

بس الشاي والقهوة تعلمت من أمي الله يحرم عليها النار

تلامس الشاي والقوه غالب لتر واحد

اول ما يغلي الماء أجيب سكر مل البياله وان كان الشاي أكياس أحط ثلاث بالترمس

وأصبحوا الماء عليه وارجه لين تذوب السكر والشاي بدون أي طبخ لانه مو صحي الطبخ

أبد

أما عن القهوة خوذي ماء بالترمس حق القهوة وعبيها وحطي زياده يباله ونص من الماء

ثم بدلة القهوة وحطي فنجالين قهوه أن كان القهوة خفيفه وان كانت شوي ثقيلة

فنجال ونص خليها تغلي لمدة ٥ إلى ٧ دقائق عشان ما تفقده الريحه الطيبه

حطي ملعقة هيل وكفي ميت وزعفران مطحون على راس السكين عشان يعتدل اللون

والطعم وطفي النار خليها عشر دقائق وصبيها على الترمس

والأواني والسفره جهزيه قبل يجون الضيوف بثلاث أو يوم وغطيهن بسفره

وعوافي على قلبك
23-02-1434 هـ, 12:16 صباحاً
 
الله يقويك ويعطيك النفس الطيب بالاكل
23-02-1434 هـ, 01:45 صباحاً
 
يسلموووو بنااات ماقصرتو الله يعطيكم الف عافيه
23-02-1434 هـ, 02:37 صباحاً
 
الله يعينك تعلمي ألاسهل من الاكل وتمكني منه وبعدين شوي شوي حتى تصير طباخة

كنت مثلك بس الحمدلله مع كل تجربة فاشلة تعلمت كيف أتفادها في المرة الثانية

والبطاطس مع القلي إذا كان تقطيك عريض لا ترفع للنار يحمر من برا ومن جواء قاسي

أفضل شي أنك تقلية على نار متوسطة وتغطي الطاوة حق البطاطس بأي غطي حديد وأفتحي وقلبية من فترة لفترة حتى يستوي ورشي الملح وانتي تقلي

وان شاء الله أكون فدتك بشي
23-02-1434 هـ, 02:55 صباحاً
 
ياحلوك
حبيتك حسيتك وحده من خواتي الصغار
اهم شيء انك اذا بيجي لكم ناس ما تجربين اصناف جديده
وتحاولين انك ما تطبخين بيوم العزيمة
اقصد الحلويات والفطائر
كلها سويها قبل بيوم
والقهوة سهله
حطي لكل لتر ماء فنجال قهوة وملعقه صغييرة هيل ورشة زعفران شوووي وتخلينها تطبخ عشر دقايق

اما اللخبطه هذا شي طبيعي لانك توك بديتي تعتمدين على نفسك
بس بعد فترة قصيرة بتشوفين نفسك مررة سنعه وماعندك لخبطة ولا مشاكل
بس لا تفكرين انك بتفشلين
لان من اسلوبك باين انه يعتمد عليك بس يبي لك وقت وكم تجربه تستفيدين منها
23-02-1434 هـ, 06:02 صباحاً
 


الساعة الآن 03:42 .