السلام عليكم ورحمة الله وبركاته

خواتي بالله دلوني على حدائق او صالات الالعاب لجميع الاعمار في جده
غير الشلال وعطاالله لان اسعار الدخول شوي غاليه
ابغى الدخول 10 ريال او اقل لاننا عائله كبيره

وياليت تدلوني على اماكن تنصحوني ازورها ومطاعم اكلهم منوع ويستاهل
وخاصة الاسواق خاصة الرخيص

ودمتم بووووود
22-02-1434 هـ, 10:37 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
اعرف الامواج عالبحر كان الدخول بعشره مادري اذا اللحين زادوا او لا والاسواق المراكز زي الهرم وشبرا واسواق البلد وبالتوفيق
22-02-1434 هـ, 10:40 صباحاً
 
رفع
22-02-1434 هـ, 11:15 صباحاً
 
جنغل لاند روعه بس للكبار التذاكر افتكر بـ25 او 15 ناسيه بس مو غاليه
وفيها ملاهي كبار وصغار ومطاعم وكازينوهات


روحي البلد والخاسكيه هناك اسعارهم تجنن مرا رخيصه بالنسبه للشنط والملابس والاكسسوارات والمكياج
بالكورنيش اللي بالبلد من الدور الخاممس إلين الثامن كله ماركات مكياجات وعطور بسعر الجمله وكمان اكسسوارات واغراض نسائيه لانجري وكذا

بالمحمل برضو بالبلد الدور الاخير اعتقد الثامن فيه ملاهي ومطاعم في مطعم اسمه باريو فيستا ..أكله فلبيني على جاوي اكلات تجنن

برضو هناك بفندق البيعه في مطعم فندق البيعه لو تروحيله بالنهار غذا او فطور اول شي المنظر يجنن يطل ع البحر وعلى البلد والناس تحتك رايحين جايين وكمان اسعارهم جدا معقوله

الاندلس مووول والجامعه بلازا وعزيز مول والعرب مول و صيرفي مول وهيفا مول
كلها مولات فيها العاب اطفال ومطاعم الفاست فود

مرو على ايكيا برضو لو حبيتي تاخديلك كم غرض وعندهم زي حضانة اطفال لو حبيتي تسيبي اولادك وتروحي تسوي شوبينغ وانتي مطمنه

الهنداويه بحي الهنداويه برضو منطقه قريبه من البلد والكورنيش
هناك في التحف واكسسورارات البيت من الفازات والورد شبه الطبيعي للمرايات واغراض الزينه واغراض المطبخ وكل المحلات بهالسوق اسعارهم ارخص من السوق وبعضهم يبيع بسعر الجمله

بلاجيو برضو قريب من الكورنيش الشمالي قباله فندق الهيلتون اعتقد او الشيراتون الدخول مجاني اكلهم جدا رائع وعندهم العاااب اطفال

مطعم بالم بيتش اكلهم روعه وسعرهم روعه برضو
طريق المدينه قبل الكبري المربع مافي العاب اطفال

مطعم شيزان الهندي بالحمرا يجنن اكلهم مرا واسعارهم معقوله ماعندهم العاب اطفال

لو تروحو ثول تبعد عن جده يمكن 80 كيلواو اقل
تروحو البحر هناك في جلسات والجو يجنن خاصه هاليومين
وتشوو والاطفال يلعبو بالرمل والبحر


هذا اللي يحظرني حاليا ولو افتكرت شي برجع اخبرك ان شاء الله
22-02-1434 هـ, 11:58 صباحاً
 
الله يعطيكم العافيه ما قصرتو
جروح انسانه كفيتي ووفيتي الله يسعدك يا عسل
22-02-1434 هـ, 05:30 مساءً
 


الساعة الآن 11:57 .