كيفكم اليوم شو اخباركم بعد مانزلت طبخت الشيخ المحشي وشفت تفاعلكم معي وانبسطت بدعواتكم الت ليش مابنزل طبخة تانية من طبخاتي البارح عملت يبرق وطلع غير شكل امممم فحبيت عرفكن عليه بطريقتي
بنبدأ بسم الله
اول شي بنجيب الملفوف
وبنفكك الورق شوي شوي مشان مايتكسر هو بيعذب شوي بس كلو بااجرو ان شاء الله هي هون بعد ما فككتوا وغسلتو:biggrin:
وبنكون حاطين المي عالغاز تغلي مشان نسلق الملفوف فيها
وهي هون بلشنا سلق
وهي هون بعد ما خلصنا سلق
وبنكون جهزنا الحشوة سوري ما صورت الخطوات بس هي سهلة
رز مصري ولحمة وكمون حب وعادي وملح وفلفل اسود حسب الرغبة وشوية زيت او سمنة اللي بدك ياه اختياري والمكونات حسب الكمية الي بدك تلفيا
وهي الحشوة
بعدين بنقطع المفوف الى اربع اقسام ليسهل لفو
وهي بعد التقطيع
الجزء اللي بالنص ((زند)) بنقيموا لان قاسي بس ما بنكبوا بعدين بقلكن لشو بنستخدموا^-^
وهي الكل سوا بعد التقطيع
وهي الزنود اللي ما كبيناها وحطيناها بسفل الطنجرة مشان مايلزق اليبرق وطيب كمان
وهلا بنبدأ لف
وهلأ بنرصن بالطنجرة
وكمان حطيتلن فخاد دجاج بيطلع طيب وهالشي خياري فيكي تحطي وفيكي لا
وما بننسى سنان الثوم
وبعدين بنتقلا بأي تقل عندك انا حطيت صحن مقلوب وفوقو ابريق الشاي عبيتوا مي وحطيتوا عالصحن
وبعدين عبي الطنجرة مي وحطي ملح وخليا تغلي بعدين هدي الغاز تحتا وخليها تستوي عهدوء الغاز لحتا تنشف المي عنا مو تحترق
وانا عم لف طلع عندي كتير ففرزتن هي اول مرة بفرز يارب يطلع طيب
وكمان مابنكب جاجة الملفوف نحنا هيك بنقلا^-^هي بتكون لب الملفوفة وهي صورتا بنحشيا وبنحطا بنص الطنجرة بس انا اليوم حطيت دجاج عادي ههههه
بس حشيتا وفرزتا مع البارقي يارب مايتغير طعمن
وهي بعد الحشي
وهلق بعد هالحكي استوت الطبخة واكيد بدكن تشوفو النتيجة
وهي بعد الاستواء
وهي صحن لاول وحدة بترد
وكنت عاملة سمك الي ولزوجي بس الله يكبر عيلتنا
بتمنى يعجبكن وما كون كترت حكي ووجعت راسكن وبس:biggrin:
ولا تنسوني واهل سوريا من دعواتكن في حفظ الرحمن
بانتظار أرائكم:icon35:
يسلمو يا قلبى موضوع جميل يعطيك الف عافيه