تشوحين بصل بشويه زيت لين يتغير لونه بس لا يغمق حييل
تضيفين زنجبيل طآزج وثوم مفرومين ناعم تقلبين شوي وتضيفين الربيان منظف ومغسل وتقلبينه من دقيقتين لثلاث دقايق لحد م يتغير لونه وتبعدينه عن النار وتضيفين له علبة زبادي ومعجون طماطم وبهارات وترجعينها على نار هاديه وتخلينها تطبخ من 15 لـ20 دقيقه وآنتبهي لا تجف المرقه
آنقعي شوي زعفران مع ماء حار
والرز تكونين مغسلته وناقعته بمويه حاره
تحطين الرز فوق الربيان من غير م تحركين تصبين ماء يغطي الرز وتخلينه يطبخ لين م يستوي الرز واذا نشفت مويته صبي عليه الزعفران وخليه شوي لحد م يتشربه في هالاثناء آفرمي شوي كزبره
وآقلبي الرز في صحن التقديم ورشي الكزبره على الوجه وبالعافيه على قلبك وقلب آولادك
اذا تقصدين الربيان مع الرز بطبخه وحدة
اسلقي الربيان فاسلقي الربيان في موية وكركم وبهارات سمك او ربيان خمس دقايق لو كان صغير الى عشر دقايق لو كان كبير وصفيه
اسلقي بطاطس نص سلقة
احمسي بزيت بصل - ثوم - طماطم - وضيفي لهم الربيان والبطاطس
وضيفي ملح - ملعقة معجون طماطم - بهارات سمك او ربيان او بهارات مشكلة وخليها تتسبك على نار هااااااادية شوي
وحطي فوقها رز مسلوق
رز ابيض عادي
وحطي فوقه قطعة زبدة صغيرة وسكري القدر على نار هادية عشر دقايق
واستمتعي بأحلى مشخول ربيان


الساعة الآن 12:29 .