شوفي سوووي طريقتي متاكده بتعجبك



كشني حطي حبه بصل مقطعه صغار وفص ثوم ولومي اسود وشوي زيت وحركي لين يتحمر البصل بعدين حطي نص حبه دجاج ونص مكعب ماجي وحركي وبعدين ملح ونص ملعقه كمون ونص قرفه مطحونه طبعا وحركي بعدين طماط مقطع وفلفل رومي وشوي صلصه وحطيه ع الدجاج وسكري الغطاء عليه لين تذبل الطماط بعدين ضيفي الماي يغطي نص مستوى الدجاج واكتميه 10دقايق اذا الجاج صغير وربع اذا كبير
وبعد مرور الوقت حطي الرز بدون نقع واوزني الماي
واستمتعي باحلى مضغوط
29-02-1434 هـ, 08:53 مساءً
 
حبيبتي راح اقول شئ زوجي من عشاق الكبسة عشان كذا انا ابدع فيها واعوذ بالله من كلمة انا اهم الشئ نوعية الرز اروع اروع رز جربته رز كوهينور اللي كيسته زي الخيش حتى لوما كان عندك وقت ونقعيته اول ماتبدين تطبخين بصراحه خيااال هذا اولا ثاني شئ لما تجي تطبخي تكونيين مجهزة البهارات العدلة والمطحونة كمان البصل والففل الرومي والطماطم تتقطع قطع كبيرة بعدين تجيبي الضغط وتحطي الزيت وتستني شوي وهذ ا حلاتها لحد مايسخن حامي شوي حطي البصل والفلفل والبندوره والماجي والبهارات بنوعينها وغطيها واتركيها شوي لان البخار راح يذوب لك كل الخضار ويهرسها كمان وتتركينها لحد ماينفصل الزيت عن الكشنه حطي الدجاجة واغمريها بالمويه وركزي الملح واضغطيها لمدة ربع ساعه بعدين طلعيها واشويها وحطي الرز علي المرقه ارتفاعه عن الرز قد اول مفصلين من الصبع الابهام وبعد مايصفر الضغط قصري النار واحسبي 8د فقط ويارب تذوقي احلى كبسة وتدعين لي
29-02-1434 هـ, 09:02 مساءً
 
اختي برتقاله زهريه الله يسعدك ما قصرتي والله كفيتي ووفيتي الله يبيض وجهك
اللهم اني اسالك يا من لا يخيب راجيك ان ترزق اختي برتقاله زهريه ما تتمنى وتسعدها في الدنيا والاخره هي ومن تحب يا حي يا قيوم

اختي قلاشه الله يسعدك يارب ما قصرتي
اللهم يا حي يا قيوم اسالك ان ترزق اختي قلاشه ماتتمنى وان تسعدها في الدنيا والاخره هي ومن تحب يارب العالمين ياودود يا ودود يا رب العرش العظيم

اختي الجنه مرادي الله يسعدك ما قصرتي
اللهم يا من على عرشك استويت ارزق اختي الجنه مرادي ما تتمنى عاجلا غير اجل واجعله خيرا لها وبارك لها فيه يا ملك الملوك

اشكركم اخواتي جزيل الشكر ما قصرتوا وبطبق كل نصايحكم وان شاء الله بتضبط معي الله يسعدكم
01-03-1434 هـ, 01:49 صباحاً
 
كشني بصل جوانح وزييت وواذا بدا يتحمر البصل حطي البهارات الحب بس لاتكثرين سبع حبات هيل وقرنفل وحبيتين قرفه وورقة غار وليمون اسود ياربس وحطي الدجاج وقلبيها مع البصل وقفلي على القدر شوية
قطعي طمام حبه انصاف وملعقه صلصه وحطيها على الدجاجه وماجي حبه وشوية ملح وبهارات
كمون ملعقه صغيره مرة وفلفل اسود وبهارات مشكله وانتبهي ملعقه صغيرة مرة رررشه بس
وحطي مويا لين يتغطى الدجاج لاتعبين القدر واضغطيييه
ونقعي الرز من قبل وخلي الدجاج عشر دقايق لانها بتستوي بسرعه
وذوقي الملح قبل لاتحطين الرز
وبعدين حطي الرز على الدجاج من غير تقليب فوق بعض لاتحركينه بلملعقه
وشوفي م قدار المويا غطا الرز ولا زيدي شوية
واضغطيه وقطعي سلطة وشطه وبلعافيه وادعيلي
وببسي بارد وليمون ياسلام وجرجير
جوعانه<
01-03-1434 هـ, 02:06 صباحاً
 
تبغينه مثل المطاعم !!!

قطعي بصل مكعبات بيدك مو بالاله وكشنيه بزيت وحطي البهارات اللي تحبين وماجي وبهارات عدله مو مطحونه والدجاج حركيه شوي وصبي صلصه فقط من غير طماطم وصبي مويه واضغطي وبعدها كبي الرز يكون منقوع بماء حار وملح واوزني ملح الرز وخطي راس ثوم غير مقشر مغسول ومنظف وحبه فلفل خار وخليه يطبخ وهو مو مقفله الغطاء واذا شفتي الرز بدا ينشف وباقي شوي مويه اضغطي عليه 5 دقايق والنار هاديه وقسم تقولين مضغوط ريدان واطلق بعد
01-03-1434 هـ, 02:29 صباحاً
 


الساعة الآن 03:28 .