Analysis Services
كثر ماشفت مساعداتكم وفزعتكم قلت اكيد ماراح يقصرون معاي البنات
من زمان افكر بمشروع خاص فيني يخليني اعتمد على نفسي
وآمن مستقبل عيالي مثل كل الناس..
ميولي فني يعني اصمم ملابس والصمم اكسسوارات ورسامه والأعمال اليدوية الفنيه اغلبها
اتقنها او بالاصح مافيه مره احد قالي تقدرين تسوين هاذا الشي وماسويته وأحلى منه بعد وكل من شفاها انهبل ماشالله
وكل الي ذكرته فوق اسويه بإبداع فقلت ليه ماطلع كل هالمواهب بشي ينفعني احس حرام
اقعد كذا..
فكرت بمشروع فساتين سهره بس انا الي اصممها وابيعها وراح احتاج اقمشه وخياط
بس الي منعني خفت يجيني خياط مايعرف يسوي الي ابي وبعدين أكلها باديون قلت اتفق
مع خياط جاهز او مشغل بس استغلال وبقوه من كل محل يعني آخر شي ماراح استفيد
الا تعب بس
والحين بالي مشروع اكسسورات مثل :أطواق .بكلات.توكات.شباصات.بروشات.ميداليات.حلق
مرررره معجبتني الفكره ومافيها راس مال كبير والله اسوي شي ذوق ذوق مثل الورد الطبيعي
وأشياء حلوه مررره
بس متردده اخاف مانجح ومحد يشتري واتحطم نفسيا
انتم وش رأيكم بنات تضنون في إقبال على الاكسسوارات
وبعدين لو سويتها مادري وين اعرضها للبيع

وإذا عرضتها بالنت وطلب احد خارج مدينتي
كيف ارسله بشركات النقل يعني مايصير سعر نقله البضاعة اكثر من سعر البضاعة نفسها او لا لاني ماعرف شي بها سوالف ...


ماعندي احد استشيره الا انتم اتمنى ماتقصرون معي
انا تاركه دراستي من 5سنين وزميلاتي الي معاي ما عندهم خبره
وحتى خوات ماعندي الا أختين من ابوي صغار
ويوم استشرت وحده من الجماعه وقالت بتصير شريكتي قلت الله وناسه نشجع
بعض بس للأسف بعدين قالت مابي وبصدفه اكتشفت أنها تسوي هالمشرع لحالها من تحت لتحت
صحيح قهرتني بس كيفها الله يوفقها انا اعرف نفسي احسن منها بألف مرره ولاني بحاجتها
انا طولته معاكم ادري اعذروني بس ابغى اردود الي تثلج الصدر..
28-02-1434 هـ, 09:54 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
حبيبتي كل شي فيه رزقه وربي يصب الرزق للجميع سبحانه توكلي على الله وابدي مشروعك ولكن بشي بسيط لاتكثرين وبالنسبه للشحن خارج مدينتك ب15ريال بزاجل يوصلها لاي مدينه تبينها توكلي على الله بس شغل النت محتاج اجتهاد مع الدعاء واطلبي الله ياقلبي ماخاب من دعاه سبحانه
28-02-1434 هـ, 10:10 مساءً
 
اقتباس مشاركة  (ندى التميز)
حبيبتي كل شي فيه رزقه وربي يصب الرزق للجميع سبحانه توكلي على الله وابدي مشروعك ولكن بشي بسيط لاتكثرين وبالنسبه للشحن خارج مدينتك ب15ريال بزاجل يوصلها لاي مدينه تبينها توكلي على الله بس شغل النت محتاج اجتهاد مع الدعاء واطلبي الله ياقلبي ماخاب من دعاه سبحانه
مشكوره ياقلبي ماقصرتي اول مره اعرف اشحن بزاجل 15ريال ولله ماتدرين وش كثر
فرحتيني الله يوفقك بكل خطاويك مااااااااصرتي
28-02-1434 هـ, 10:37 مساءً
 
فعلا شحن زاجل رخيص مرره

اهم شي ابدئي بشي بسيط عشان اذا خسرتي ماتكون خسارتك قويه

وحتى لو ماكسبتي اعتبريها تجربه جميله استفدتي منها

الله يوفقك ياااااااااارب
28-02-1434 هـ, 11:29 مساءً
 
اقتباس مشاركة  (Boutique perfect)
فعلا شحن زاجل رخيص مرره

اهم شي ابدئي بشي بسيط عشان اذا خسرتي ماتكون خسارتك قويه

وحتى لو ماكسبتي اعتبريها تجربه جميله استفدتي منها

الله يوفقك ياااااااااارب
مشكوووره قلبي ..
28-02-1434 هـ, 11:35 مساءً
 


الساعة الآن 04:10 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏