المرأة العامله بالرغم من كل المميزات اللي تحظى بها إلا أنها دايماً وأبداً ستعيش في صراع لأنها في المقام الأول والأخير أهملت جزء من مسؤلياتها لتسد النقص المادي الذي هو غالباً ما يكون بسبب الزوج وطبعاً هذا على حساب إدارة شؤوون بيتها والإهتمام بزوجها ورعاية أبناءها ....يعني تبرع في مجال على حساب الآخر وما فيه حد يوفق بين الإثنين لازم فيه خسارة شي مقابل شي لأن الكمال لله
ودائماً وأبداً تحس بالتقصير والذنب تجاه بيتها وأطفالها لأن بيتها وأولادها وزجها ايون أول شي في قائمة اهتماماتها عكس الرجل الللي أول شي وآخر شي عنده شغله وغير شغله ما فيه شي يهمه....


أما أنا ورأيي الشخصي فأنا من أشد الرافضين لعمل المرأة الأم لأن الأمومه بحد ذاتها Full Time Job ما أعرف شو يسمونها بالعربي ولكن بما معناه وظيفة تستغرق يوم كامل بدون راحة وبدون إجازات وبدون بريكات ....

ام ميثا كفيتي ووفيتي وقلتي الي بخاطري ...انا عن نفسي اشتغل وافكر استقيل لاني مااقدر اتحمل ضغوط من صوبين والله يكتب الي فيه خير.

صحيح ان القعده في البيت وتربية العيال افضل
بس العيال في الزمن هذا يبغون مصاريف كثيره ويبونك تشتغلين عشان توفرين لهم اللي يبون وتمشينهم دائما
لان راتب ابوهم ماراح يكفي لكل اللي يبونه

سمعت عن وحده قال لها ولدها لاتتقاعدين لين تزوجيني!!!!
هذا دليل انه مستفيد من وظيفة امه

أنا بصراحة ولا عندي أدنى شعور باني ظلمت أولادي .
لنو الإحساس بانك حارميتيهم من شي بيأثر على عملك وتظلي متذبذبة دايما .


بقارن لكم بيني وبين وحدة ما بتشتغل من قريباتي مع انها جامعية .

أنا موفرة لأطفالي السكن المريح والذي تتوفر فيه كل وسائل الترفيه من مسابح وحضانة نهارا وليلا مجانا وقاعة بلياردو وسينما صغيرة وصالة رياضية بل صالات وبلاي ستيشن رووم ( هذي الناس بشوفهم يدفعوا فلوس بالمراكز عشان يلعبوها ) وغرفة مجهزة خصوصا لهالغرض كأنها صالة ألعاب . وحديقة بمراجيح وكل شي وملاعب تينس ومساحة مزروعة بالنجيل نستقبل ضيوفنا بدال الشقة والعزايم فيها كمان .
اللي فوق مجاني .
غير عن الدراي كلين والحلاق والصيدلية 42 ساعة وصالونين نسائيين وسوبرماركت ومحل كمبيوتر ومحل سياحة وبصراحة كل شي متوفر .


هي قريبتي :
ساكنة في شقة والله غرفة نوم وغرفة جلوس ممر ( ولازم يجلسون تربيعة وما يمدون رجليهم حتى ) وغرفة ضيوف ( هي نفسها غرفة نوم الأب والأم )

هذا غير عن الإزعاج والمكيف شباك اذا شغلوه أكمن مرة بالصيف وبس.
ومنطقة صناعية .
وما عندهمش سيارة .
وأستحي أقول ( والله موبايل ما عندهم )
وعندهم ولدين وبنتين .
البنتين بمدارس.
الولد والله صار ست سنين وشهر لما زرتها وهو بالبيت لا حضانة ولا روضة ولا ما يحزنون لما سألتها قالت :
الله يخليه ابني ايدي على ايده بشغل البيت . أنا أمسك المطبخ وهو ينظف باقي البيت !!!
لكن الشهادة لله الست محترمة ومثقفة ومتدينة واولادها قمة في الأخلاق والأدب وتحفظهم القرآن الكريم .
وبيسافروا كل سنة لبدهم بالباص يومين كاملين وتحلف انو بناتها لما بدهم يروحوا للحمام بيعملوها بالباص بعلب زجاجية أو على حفاظة اطفال .( الباص فيه 60 راكب ) ما بيوقف كل ساعة لواحد عشان يروح الحمام .

هذا غير عن الحبسة بالبيت . لا طلعوا ولا راحوا والمولات ما بيسمعوا فيها من أصله .


أنا عني : ما بقدر يكون عندي شهادة عليا وأجلس مثلها بالبيت.
ولا اقدر اعيش مثلها وبغربة كمان .


انا ما راح اقول شو موفرة لولادي من وسائل الراحة والأمان والتعليم والتامين الطبي ( اللي بيكلف مبلغ وقدره بالشهر )، الترفيه ليس كل شي بالدنيا لكن في طفولة ولازم تنعاش صح ؟؟؟
يعني شو الطفولة اللي ببيت ضيق وبعمره لا ركب سيكل ولا شاف لوح تزلج ولا راح صالة جليد ؟؟ولا................ ولا ..................؟؟؟

زوجي بيقول عادي كل واحد حر نفسه ولا تفتحي فمك أمامها بكلمة ولا تقولي لها اشتغلي ولا شي هم احرار .


بالله عليكم تحكموا !!!!!!!!!!!!!!!!!!!!!!!!!!!!!!!!!

يعني هذي عيشة ابني ما أقدر أدخله مدرسة ؟؟؟ ( طبعا لازم خاصة لأنو ممنوع ندخل ابناءنا بالحكومية )

بس في مدارس بألفين بعجمان مثلا بوديه !!!!
وسيارة ؟؟؟ بدال ما أترجى فلان وعلان يوصلني كل يوم شغلي .

كونوا الحكم !!!

والله يا حبيبتي اذا كان مرتب الزوجه 20000 او اكثر ، الزوج نفسه يبي يدف الزوجه عشان تروح للشغل وبيقول لها بلا بيت لا هم هههههه

اعرف وحده نفسها ومنى عينها تاخذ اجازه بدون مرتب لأنها تعبانه وزوجها رافض تاخذ يوم واحد يقول وش تقعدين تسوين في البيت والاولاد في المدارس
للاسف هذا زمن الماده