شاكه واكيد شكي راح يكون في محله

السلام عليكم ورحمة الله وبركاته
المشكله وكل عاده عن زوجي 
اليوم وامس  زوجي ماهو هو متغير 
من بداء يروح للمستوصف يعالج اسنانه والرجال زي المرجوج 
طبعا طلبت منه اليوم اروح المستوصف عشان اعالج ظرسي
ورحت وشفت اللي بالاستقبال كله بنات من جنسيات عربيه
متحجبات وحلوات 
بس تعاملهم معاه عادي جدا وماشفت او مسكت عليه شي
بس متى بديت اشك اليوم 
واللي خلاني اشك لان له سوابق قبل كشفته يكلم بالواتس بنات
اليوم الرجال  جاء متأخر بالعاده 11 بالبيت هاالمره 1 ونص دخل علي مبسوط ويدلع 
بعدين شفته يمسح المكالمات بسرعه
بس عادي قلت لا توسوسين ياشيخه وانبسطي بالدلع مع انه دايم ع صامت زوجي الا ذا اليوم يدلع وينكت ثم جاب طاري. بنات اللي بالمستوصف انا هنا قلت غريبه شعنده يسولف فيهن وخصص وحده منهم قال شفتي هذيك الصغيره شكلها مسكينه تصرف ع أهلها قلت كيفها ياابن الحلال وش لنا بطاريهم قال ع فكره عندي بكرا موعد المغرب لازم تجهزون بدري اوديك اهلك قلت طيب
المهم رحت الغرفتي انسدح بالسرير اريح شوي وجنبي  جوال زوجي يشحنه الا يجيني يقول ليش ماتجلسي بالصاله تنتظريني وتسوين شي خفيف ناكله وانا بدخل الحمام شوي قلت اذا طلعت من الحمام رحت اسوي  ويزن الا روحي بالصاله ولاحظه يطالع جواله خايف افتشه وانا مسكت معي وقلتله ياقلبي وش فيك تزن كذا اصبر علي اذا طلعت من الحمام قمت قالي يعني مصممه قلت ايوه قال كيفك وفصل جواله واخذه للحمام ودخل 
انا هنا خلاص عرفت ان وراه بلوى 
يوم طلع قلتله غريبه ليش اخذت الجوال فيه احد يدخل جواله بالحمام ويتوتر ولا يعرف كيف يرد 
قلتله يا قلبي انا شاكه فيك ويبين عليك من تصرفاتك سبحان الله اذا انت مخنبق ولا شي يمديك تصلح غلطتك قبل اكشفك وتصير السالفه سالفتين ورحت وتركته
وجاء قالي والله مافيه احد انتي توسوسين ومدري كيف وباين انه خايف ومتوتر وفيه بالسالفه بنت يكلمها
قلتله انا قلت اللي عندي انا اشم ريحة خيانه الخيار لك تقدر تنسحب من هاالخيانه بهدوء وبدون مشاكل وتقدر تسوي فيها ذكي وتستمر فيها تحسبني ماراح اعرف بس يجي لك يوم امسك وتصير السالفه مو بس هوشه ،وفضيحه الاهلي واهلك لانها مو اول مره تسويها واسكت
عاد هو حمر وجهه وتغير وقال انتي خلاص خليتيني خاين اطلعي بس خليني انام كل هذي وساوس مافيه شي من اللي تفكرين فيه 
انا يابنات حبيت استشيركم تتوقعون يخاف يكمل مع اللي ماتتسمى لانه عارف اني كاشفته كاشفته ولايكمل وينكر خصوصا انه يبان عليه الخيانه مررره واكثر شي ابدا الاحظه اذا خان انه ماينام معاي كثير وكل ماجاء من برى البيت يتروش وفعلا ابحث وراه وفي جواله واكتشف انه يكلم وحده طبعا بس مكالمات فقط والله يستر من الجاي