وخاااب ظني فيييك يا صدييييقتي *

الأسرة والمجتمع

السلام عليكم ورحمة الله وبركاته

الله يسعد اوقاتكم بكل خير يالغاليات ..

بحكي لكم قصتي مع صديقه غاليه على قلبي بالرغم من اللي سوته بس ابيكم تشورون علي وتنصحوني وتوجهوني الله يجزاكم خير ..

انا تعرفت على بنت بعمري عن طريق النت
تعرفت عليها قبل سنه واستمرينا انا وياها سنه كاامله نتراسل عن طريق البلاك بيري
وكنا مثااال للصداقه يوم ورى يوم وغلاها يزيد واعتبرتها اخت لي وهي كذلك
ولا يمر يوم من دون ما نسأل عن بعض كل يوم سوالف وسؤال وكنا روح بجسد
اتألم لألمها وتتالم لألمي ..
كانت تقول لي انا خايفه تروحين عني خايفه تتركيني بس انا كنت اقول لها مستحيل يصير مني هالشي وكانت هي تغيب فتره وترجع لي لما نتزاعل تقفل جوالها ولا تدري عني ترجع بعدها تقول انا قفلته عشان الزعل اللي صصار بيننا واراضيها وتعود المياه لمجاريها وما كنت ابي افقدها عشان كذا تحملت حركاتها لما تغيب عني بسبب مشكله بيننا استمرينا سوا الى الشهر الماضي ارسلت لها رساله قلت وييينك ما تفعلي خدمتك قالت راح اتأخر بالتفعيل وقلت لها اوكي اهم شي تكوني بخير وودعتك الله ..

مر شهر كاااامل مدري عنها ولا سألت عني ولا شي بعدها رجعت فعلت الخدمه جلست يومين ما كلمتني ولا كلمتها بعدين كلمتني هي وتسأل عني وكيفك وسألتها عن اخبارها .. وسالتني عن صديقه لي قالت وش اخبارها قلت من فتره مدري عنها قالت هالبنت تبي تفرقنا وما تبينا مع بعض قلت انتي الحين شهر كامل ما تدرين عني ولا تسألين واخر شي تجين تتهمين هذي تبي تفرقنا وقلت لها ( انتي تلعبين علي ولا ايش حيرتيني معاك) وزعلت مررره من هالكلمه قالت الله يسامحك وطلعت من المحادثه واعتذرت منها قلت من غلاك قلت كذا وانا والله ماابي افقدها بس تصرفاتها حيرتني ولا ردت علي ..

اليوم اللي بعده ما كلمتني ابدا اخر الليل ارسلت لها وينك ولا ردت
قلت بريحك مني واغير جوالي ماعاد ابي بلاك بيري بس راح ادخل بشريحة اختي بين كل فترة وفترة..

ونمت... صحيت لقيتها كاتبه وتحلف انها توها تفتح الجوال وما شافت رسالتي

ورديت عليهااا وانصدمت انهااا مقفله الجوااال

وانتظررر اليوم اللي بعده ارسلت لها طمنيني عنك وافتحي الجوال ابي اتكلم معاك ولا ردت
وبعد ثاني يوم ارسلت ولا ردت
ثالث يووم ارسلت انتي ما تبيني وانا اول مره اترجى احد كذا بس عرفت قدري عندك حتى ما تبين تردين برساله علي .. والله يوفقك ويسعدك ويستر عليييك ..

وبس انقطعت عنها ماعاد ارسلت وهي مااا كلفت نفسها ترد علي او تسأل او اي شي


والله انها غاليه علي وفقدتهااا كثيير انصحوني وهل غلطت عليهااا حتى لو اتصل عليها مااتوقع انها بترد يا بنااات والله العظيم كانت تقول خوف انك تفارقيني هالخوووف ما يفارقني ابد
كانت تترجاني مااتركها والحين تركتني صدددمتني
انا مصدومه من صديقاتي كلهم بس هذي والله اكثر ما ودي نبتعد عن بعض بس وش بيدي انصحوني يا بنات الله يوفقكم ولكم دعائي بظهر الغيب
25
2K

يلزم عليك تسجيل الدخول أولًا لكتابة تعليق.

تسجيل دخول

maram 22
maram 22
لا تعليق
تدرين ليش لانووو ماعاد فيه صدقه بهالزمن
بنت شيخ الجبل
بنت شيخ الجبل
طيب انتي تقابلينهااو بس عن طريق النت والبنت الثالثه الي اتهمتها كيف تتواصل معكم عن طريق النت كمان ؟؟عموما اذا كانت معرفتك بهم عن طريق النت فهذا عالم مجهول ماحد يقدر يحكم بصدقه او كذبه هل هي من البدايه صادقه او لا ...نصيحه عمرالصداقه ماكانت بهذا الشكل لاتعلقين نفسك بناس ماتعرفينها ولاتثقين باي احد والشي الي سوته نميمه لو انا مااخليها تلعب علي تقاطع متى مابغت وترجع متى مابغت وكان امداني تركتها من زمااااان خاصه ان مابيننا معرفه حقيقيه ولا صله رحم توجب التواصل ....
اما اذا كنتي تعرفينها شخصيا وتقابلينها انصحيها قلي لايدخل الجنه نمام ...ولاتكثرين عتب وشرهات ليش مارديتي ووش قصدك وووو...اذا تواصلت اهلا وسهلا واذا اختفت الغايب عذره معه ....
اذا في صحبتها خير لك الله يصلح مابينكم واذا كانت شر لك الله يصرفه عنك
مجمرة بخور
مجمرة بخور
سبحان الله وبحمده
ايلان111
ايلان111
الي اقدر أقوله لك انك تملكين قلب طيب ولي تعرف وحده مثلك مستحيل تبعد أعطيها وقت وشوفي ايش يصير صدقيني بترجع
صيدلانية سنفورة
واضح ان علاقتكم مفتقدة للثقة .. وأي علاقة بهالصورة لا يرتجي دوامها
طول الوقت شد وجذب .. ليش ما كلمت .. وينها ماردت ؟؟ صادقة في كلامها
او لا ؟؟ ...... اذا دخلت هالأفكار بين الاصدقاء خربت العلاقة
فكري بعقلانية .. هل هالعلاقة مريحتك او وترتك زيادة
اي صداقة لابد تعطيك شعور بالاستقرار والراحة مو العكس
لا تلتفتي كثير لكلمتها ( لا تتركيني ) مو شرط كانت تكذب .. لكن احيانا
قد ننجرف في بداية علاقاتنا .. وإذا هدأت العواطف أصبحت الرؤية أوضح
تغيبها المستمر بدون سبب ربما يدل على رغبتها في انهاء العلاقة
أو ترددها ..... الصداقة الحقيقية مشاركة .. تسألي عنها وتسأل عنك
أما اهتمام من طرف واحد فهذا خلل

إذا المرء لم يرعاك إلا تكلفا
فدعه ولا تكثر عليه التأسفا
ففي الناس أشباه وفي الترك راحة
وفي القلب صبر للحبيب ولو جفا

ولو انتهت علاقتكم فلا تعتبريها صدمة أو تهز ثقتك لكن اعتبريها
تجربة ودرس ذو فائدة خرجت به منها