السلام عليكم
أخواتي الكريمات طباخات المنتدى
انا عليميه بالرز وطبخه بس احاول اتعلم منكم بس مع كثر الوصفات والخلطات انحست
ابي اعرف الفرق بين البخاري والمندي والمظبي
والطرق التقليديه لها الانواع
يعني ممكن نخلي هذا مرجع خاص بطبخ الرز فقط لا غير مع انواع الكشنات او الحشوات الي تنحط فوقه وكل نوع وش يناسبه من نوع رز
واحسن الصوصات او الشطات الي تقدم مع كل نوع
وأكون شاكره لكم
انا مثلك مااعرف للرز مررره يعني مااحس انه لذييذ مره وطعم بس اعرف ازين المندي واضبطه اكثر من المطعم وبدون كشنه وحوسه اذا تبين الطريقه ابشري واتوقع اغلبهم يعرفها والمظبي يسوون الدجاج علي حجر ويطلع مشوي ونوع الحجر مرو
يارب فرج همي ويسر امري
الله يعافيك يا أكليل الورد
طيب عطينا طريقة المندي اذا ماعليك كلافه
والمظبي اذا الدجاج نسويه على حجر كيف نسويه بالبيت والرز كيف نسوية زي المطاعم ناشف بس لين
وشكرا لك تفاعلك
طريقتي بالمندي اقطع الدجاج. يعني الفخذ اقصها نصين فهمتو��؟عشان يستوي زين واتبله بزار وهيل وقرفه مطحونه شوي مره وملح وصفار الزعفران وليمون اصفر وثوم واجيب القدر واحط الرز بعد مااغسله واحط معه زيت وليمون اسود وعود قرفه وهيل ومسمار وورق غار وملح واصب عليه مويه حاره يعني اخلي المويه ترتفع قد ربع اصبع�� وغطيه زين بالقصدير واجيب عود أسنان واشقق القصدير واسوي فتحات كثييييره مررره طبعا لازم يكون القصدير مشدود مرررره واحط الدجاج فوق القصدير واغطيه مره ثانيه بالقصدير واسكره زييين مررره واشغل عليه النار واقصر مرررررره علئ فوق واخليه ٤٥ دقيقه او ساعه واهم شي ماتفتحينه قبل واذا خلص أحط الدجاج علئ الرز واجيب زيت بفنجال واحط داخل القدر واجيب جمره واحطها بالفنجال واسكر عليه واخليه يتبخر ١٠ دقايق وبس وترا تطبيقها مرررره سهل وريحته تطلع جننن والرز يطلع نثري جربوها وبتدعولي بدون كشنه وحوسه
يارب فرج همي ويسر امري
اما المظبي بالبيت يجيبون حجر المرو ويحطونه داخل قدر ويتبلون الدجاج بملح وفلفل ويحطونه علئ الحجر بس ماجربته بس اعرف طريقته كذا والرز يزينونه لحال
يارب فرج همي ويسر امري


الساعة الآن 06:36 .