السلام عليكم


اختي مشروعك عن معمل الخياطه ممتاز وانا حاليآ ماشيه باجراءات فتح معمل

وادور على سكن صغير للخياطين


استخرجت فيزتين كبدايه هندي وبنغالي وعندي من قبل سيرلانكي بيعلمهم


بيوصلون بعد اسبوعين ومسوية لهم جدول للخياطه عبايات وجلابيات واكسسوارات شعر


شريت فترينه للأكسسوارات بالمحل وخيط لي الماستر بعض الشي

ورحت المطبعه عملت الكروت الي تتعلق على المنتج بأسم محلنا


وعملت اللوجو للمنتج الي هو قماشه مكتوب فيها اسم المحل ورقم الهاتف تتخيط بالياقه مالت المنتج


وشريت اكياس شفافه كبيره للعبايات والجلابيات وصغيره للأكسسوارات


وفكرتي اني اوزع على السوق لأن محلي بسوق شعبي وصغير مايكفي للعرض


حتى جاتني فكرة الجلابيات المغربيه الي يجي معاها نعال من نفس قماش الجلابيه ويكونون بكرتونه وشكلهم مرتب


بس ماني عارفه منين يشترون القاعده مالت النعال ....والحمدلله عندي سمبل للنعال بقلد عليه


لكن لسه مابديت لأن الخياطين ماوصلوا والي موجود ماعطته شغل كثير


وفكرت اجرب اسوي سجادات الصلاه من المخمل مع طرحة الصلاه وشنطه صغيره من نفس قماش المخمل كهدايا


والأفكار كثيره بس تبي وقت وتفرغ وصبر لن التجاره طريقها طويل مو من اول يوم


اختي المعمل فكره ممتازه لأنه بيخيط كل شي مو مقتصر على الملابس

اهم شي تشوفين السوق بمنطقتكم ايش يحتاج وتدرسين الأسعار


وطالما عندك اهتمام بفساتين الأطفال ابدي فيهم مع اكسسوارهم يعني انا كنت اشتغل فيهم كنت اسوي معهم الشنطه وتاج الشعر وزي الأسويره من الدانتيل لليد وكانت ماشيه خاصة المقاسات الكبيره


وجيبي خياط واحد كبدايه يقص ويخيط وبعدها زيدي العدد


وعلى فكره المعمل ارخص من المحل وحاولي يكون شقه لتخزين المنتج


والله يوفقك يارب
الله يوفقك
موووووفقه بأذن الله


الساعة الآن 09:39 .