بسم الله الرحمن الرحيم
ارجوا منكن اخوتي اخذ مشكلتي وعدم التثقيل علي بالكلام ارجوكن والله اني بحزن بقلبي به الله عليم ..
وارجوا منكن عدم الاستخفاف بي او القسوة علي بالكلام الجارح واسأل الله عز وجل كل من تاخذ شكواي وحزني استخفاف ان يبتليها بما ابتليت به لترى فقط ليس حقدا او دعاء بس عشان تحسسس
انا وحده لي متزوجه تقريبا فترة سنتين ونصف ..مشكلتي مع اهل زوجي والله يابنات صبرت الين كرهتهم بجد يعلم الله وحده اني ادوس على قلبي واقول هذولي عمات وجدة عيالك بالمستقبل لكن اروح اضحك واسولف ويقولون كلام بوجهي واسكت واذا جيت بيتي ابكي قهر ....
تخيلوا لازم اروح وازور اقربائهم وانا مايبغوني اروح لاقربائي الا مرة بالسنة بس حليت هالمشكلة بعد هوشة وضيق وهم دام اسبوعين... ويشيشن راس ولدهن علي حسبي الله ونعم الوكيل ولا يبغني اروح مع اهلي لا لسوق ولا لغيره ويحرشن ولدهن علي ان اهلها راح يتكلمون فيك وربي يابنات اكتب وانا فيني غصة و ابكي قهر وانا ايش سويت لهن ..
تخيلوا والله ورب الكعبة يابنات اني مرة لبست طرحة والله حلوة والكل يمدح فيها سالتهم هاه شرايكم تخيلوا قالوا لي وووع كانك هبله ماتصلح ولو نموت مانلبسها والله يابنات اقسم بالله انه مر شهر ولبسن زيها بالضبط تخيلوا والله العالم بالسرائر اني ما قلت الا الحق ...
وانهن حتى البنطلون واللبس القصير مايلبسنه يوم شافنه علي اول الزواج يعطني نظرات الله العالم والله جاء اخوهن ويلمحن ان البنت ما تلبس كذا بس طنشهن تخيلوا بعدها بفترة لبسن نفسي تمام ..حسبي الله ..وحاولن يشبكني مع زوجي عشان ايش عشان عباية كتف وانا والله يابنات البس عريضة وواسعة مدري ويش يبغن فيني وهن يضيقن العباية.....!!!والله كل ما حاولت احبهن اكرهن اكثثثثر
واذا شافن عندي شئ يسبنه سب وشوهن سمعتي عند جماعتي تخيلوا يقولن اني انا فيني نفسييية واني ما ابغاهم وكذب وكلام فاضي ....!!!!والله يابنات انهن مايصدقن يسبن فيني بشكلي وانا عندهم بالبيت وانا والله جميلة الحمدلله وكمان بذوقي والمشكلة يقلدن ....!! تخيلوا لو انا اخذت فص لازم ياخذن لو انا جبت شئ لازم عندهم وليته ياخذن زيه ويسكتن لا يمشن ويقولن ان ذوقها ووع بس هي تشوفنا وتتعلم ....!!!
لدرجة اقسم بالله العليم العظيم اني غيرت بيتي وصبغته مادريت الا اهل زوجي شادين ومغيرين بيتهم يدورون بيت جديد فيها بويا زي بيتي ...!!!ههههههه استغفر الله شئ مقزز
وبس يسالن اخوانهم وين رحتوا وين جيتوا اعووووذ بالله الله يشغلهم عني عاااجلا غير اجل
وانا الحمدلله ما اعرف اتكلم على احد وجامعية وفاهمه ليس مدحا بنفسي لكن لازم احطكن بالصورة والله انا ماني عارفة كييف اتصرف مع هالنوعياات ارجوا من ذوات الخبرة مساعدتي ؟؟؟

الله يعينك
يآحي يآقيوم برحمتك آستغيث آصلح لي شأني كله ولآتكلني آلى نفسي طرفة عين ..
((لا تسمح لأحد أن يُقلل من شأن حُلمك ، كلماتك ، أمانيك ، إيمانك ، ذوقك ، حياتك ، إجعل كل ما يخصك عظيم)) ,,,صح فيهم قله ذوق و ادب تفكيرهم خاص فيهم ماتقدري تغيره,,و اجهيهم مثلا العبايه قوليهم يعيبوا على الناس و العيب فيهم لا تتكلمي بجديه كانه بمزحه,,اما انك تشيلي بقلبك كذا باثر عليك بسالب ,,عندما تصدمك قله ذووق البعض لاتستغرب! فهذا يدل على رقّيك ، فلو كنت بمستواهم لكان الامر طبيعيا,,,ذا أردت العيش بين بشر لا يخطئون ولا يأتيك منهم ضرر فلن تجد سوى المقابر !! البشر من صفاتهم الخطأ والنقص فسامح وتجاوز وأحسِن الظن .
الله يفرج همك يارب
ربي اجعلني مقيم للصلاة ومن ذريتي
يارب احفظ لي ضنااااي
كلمه وحده بس...طنشيهن..اسفهيهن..تجاهليهن
اعتبريهن غير موجودات بالحياه ولا كأنك تسمعين منهن شي..
مع الايام بيجن عندك زحف
والله فن التطنيش لايجيده الا القليل وهو راحه ونصر مع الايام
زواجي ب 27/7/1434
(انا عند حسن ضن عبدي بي )


الساعة الآن 11:43 .