مساء النور يا شتووورات
يا اموووووووورات
وكل عام وانتو بالف خير وعااافية
بما اني سويت فرد اكس تنسو من لوريال
فما راح اخبي عليكم عشان لو احد وده يسويه
يسفيد مني و من نصايحي الي على قدي
اول شي

طبيعة شعري
طبعا خشن بدرجة متوسطة
وخفيف بسرعة يتطاير حتى لو استشورت
ونفس الشعرة ضعيفة بسرعة تتعب

رحت سويت الفرد عند مشغل الاول للسيدات
والفرد ترى مهو فرد بمعنى الكلمة
هو مجرد تمليس بحيث ان الشعر يهجد ويصير طري اكثر
وبالسشوار بسرعة تخلصين

جيت عندهم غسلت لي شعري
وقالت لي ان في 3 انواع من هالفرد
نوع للشعر المصبوع ونوع عادي ونوع قوي
انا حطت لي العادي لان شعري على كلامها ضعيف ما يتحمل
لو حطت القوي راح يتقصف
حطت على شعري خصل وملسته بيدها وشدت على خفيف
وتركته على شعري تقريبا نص ساعة
وغسلته ونشفته
قصت لي اطرافه بعدين استشورت
وطبعا طلعت كني فلبينية
شكل الشعر حلو وناعم بس مو واضح مرررة انه مفرود
الاطراف ممم ملتوية بشكل خفيف
وقالت لي اغسليه بعد يومين
وعطتني المجموعة حقته
شامبو + سيروم + ماسك
انا اخذت الشامبو والسيروم بس
رجعت البيت وغسلته بعد يومين
والنتيجة




























شوشتي هي نفسها شوشتي >> تحطمتو صح ههههه
اللهم















انها طلعت شوشة مؤدبة وشتوورة
تسمع كلام السشوار
وتسمع كلام السيروم وبسرعة تروح مع السشوار وين ما يبي
والله بجد بنات على كلام الموظفة طلعت التجعدات بشعري اقل طيران >> شفتو الكلمة هههههههههه
وهاجد اكثر وفي لمعة حليوة وملمسه ناعم انعم من قبل
وغير كذا في ثقل حلو يعني من قبل افرد ما كان ابد ثقيل يا سرع ما يطير
بس الحين لا في ثقل معقول
لاحظو بنات هذا وانا توي ما حطيت الماسك ( عندي حق الفايف البرتقالي المقاوم للتجعد ) ااجل كيف لو احطه راح يطلع انعم
طبعا جربت اخذ خصلة واحط عليها شوي من السيروم الي شريته منهم ( نسيت اقول اني اخذت منهم السيروم والشامبو مع بعض ب 100 )
واستشورتها وفعلا بسرعة نعمت وانلفت مع السشوار
بس اللمعة بعد السشوار مممم مو ذاك الزود صراحة
بس ما عليه امرها هين صح

نصايحي لكم لما تبغون تسوونه
1- اي فرد قبل لا تسوينه سواء اكس تنسو ولا غيره
احسن لك شعرك لازم يكون متغذي وحلو لا تروحين بشعر تعبان
يعني قبل لا تفردين باسبوعين على الاقل حطي ماسكات طبيعية وغسلي بشامبو طبيعي وكولي اكل صحي
2- المشغل كل شي يسوونه اسالي عن سعره لانهم ترى ما يسوون شي لوجه الله اجل تخيلو قص الاطراف قصته ب 50 ريال لي !!!!!!!! نعنبو بليسها الهندي الي بالشارع يقص لي ببلاش >> وانتي ما لقيتي الا هندي ها ههههه
خليها تسويه ولا رحتي البيت خلي الوالدة او اختك او ان شاء الله شغالتكم تقص لك الاطراف >> ايا القعيطية ههههه
وغير كذا نصيحتي ما تاخذون الشامبو ولا السيروم حقهم وان اضطريتو خذو السيروم بس لان تعرفون غالين مررة وغير كذا في كثير شامبوات وماسكات مخصصة للشعر المعالج كيميائيا واحسن شي حق الفايف شامبو وماسك
3- اهتمي بشعرك بعد الفرد حطي ماسكات طبيعية مع ماسكات الماركات عشان يطلع احلا واحلا ولا تغسلينه يوميا عشان ما يروح اثر الفرد بسرعة اغسليه كل يومين او 3 ايام

وبالاخير يا بنات اتمنى اكون افدتكم
واي سؤال ام رايت هييير يا بعدي انتي وياها >> وش رايكم ههههههه الا تبي توريكم انها تعرف ترطن
ودمتم

لوريال " هل هو كريم "
يعني هل هو مثل كريم فرد الشعر" جلات"؟؟؟
اي عزيزتي
واعتقد والله اعلم انه يكون موجود اساسا بالصالونات
ومدري اذا كان موجود بالصيدلية او لا
عموما شوفي صيدلية كبيرة واسالي فيها
وتراه كريم تمليس مو فرد
ودمتي
هههههههه <<<<< فرحانه لقيت وحدة مثلي

بس بصراحة مشكلة تصدقي إني أستخدم كريم التمليس سوفت أند بيتفول ثلاث سنين تقريباً وماشي معايا زي الحلاوة وماتصدقي إن شعري مفرود من كثر ماناسبة عاد لاتفتكري شعري كشة <<<<<<< كل البنات يقول كذا
لا من جد هو مشكلته إنه خفيف وطاير وأحتاج أستشوره كثير فالتمليس يخفف من الأستشوار
لكن العام في رمضان فردته ونفس حكايتك في الأول يبان حرير وبعد كذا يرجع لطبيعته ومن العام الى الأن تقدري تقولي فردته 7 أو8 مرات بكذا نوعيه ولا نافع معاه حتى الصوالين أحتاروا مع شعري أكيد تفتكري شعري الأن محروق لا والله بالعكس والحمد لله حتى التساقط ما أشتكي منه وتبت أفرد أو أملس لأن شعري بالأستشوار رووعة ونفسي أغامر وأستخدم الحنةاللي تفرد الشعر بس ما أحب سوادها لأن شعري لونه حلو


شكلي نسيت عمري وقلت قصة حياتي بس ما صدقت

ومشكورة حياتي على النصائح
ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ــــــــ
كن جميلاً ترى الوجود جميلا
بنات أنا شعري متعبني بالمره مادري أيش اسوي فيه
مع اول احساس بالرطوبه ينفش ومايمديني أستشوره ألا وينفش
نفسيتي تعبانه منه مره مع أنه ماكان كذا والله
كان عادي مايتأثر بالرطوبه
طبيعة شعري مو خشن لكن الشعره خفيفه تنفش بسرعه
وودي أملسه لاني من جد تعبت بس خايفه يعطيني نتيجه مو حلوه
أو أتعود واصير دايم املسه ويحترق
أنصحوني ياأخواتي مأدري أيش اسوي
تعبت تعبت تعبت تعبببببببببببببببت وأسفه على الأزعاج
وأتمنى تعطوني حل ولكم مني الدعوات الحلوه


الساعة الآن 07:34 .