السلام عليكم ورحمة الله وبركاته .. الشهر عليكم مبارك ،، الله يجعلنا وإياكم ممن يصومه إيماناً وإحتساباً ..
عزيزاتي .. خواتي يتجمعون عندنا يوم الخميس .. وباكر هو الموعد إن شاء الله.. لكن الشيء اللي ودي أسويه إني أعزم خواتي وريايليهم على الفطور علشان ما يتعبون ثم يتأخرون في جيتهم لنا .. وسؤالي : وش رأيكم في هالفكرة وإلاّ أريح نفسي ؟؟؟؟؟؟؟؟؟ ( وحدة عجازة )
بعدين إذا عزّمت أقول لهم وش رأيكم وش أصلح ... وتراهن كثيرات الله يبارك فيهن تقريباً حوالي 7 مع بناتهن وعيالهن ورياييلهن ... غير اخواني وعيالهم .. لا تتأخرون وعطوني أفكار ...

بسسسسسسسسسسسسسسسسسسسسسررررررررررررررررررررعة الله ينول كل وحدة اللي في بالها من خيري الدنيا والآخرة ..............[/align]
02-09-1426 هـ, 05:41 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
السلام عليكم و**** أحس انها شغلة لازم تكونين مستعدة من يومين يومين يكون أحسن وادخلي على الاطباق اللي في منتدانا بتلقين كل شئ احسن لك تأجلينها كم يوم وتكونين مستعدة وانتي براحتك
02-09-1426 هـ, 07:27 صباحاً
 
الله يعينك ويساعدك
من رايي انك تعزمينهم مع بعض علي شان خواتك يجون بدري
ومايتخرون يحضرون لرجالهم فطور
ورجالهم يرجعون للبيت
وللي بيصلحونه في بيوتهم قولي لهم يجيبونه معهم يسعدك علي السفر
لا تقولين وش رائكم وش اسوي علشان ماتكونين مقيده باانوع
مخوصوحه
خليك علي راحتك وسبحان الله كل شي يجي بركته
بتلقين سفرتك تعبت من غير تخطيط
الله يوفقك
02-09-1426 هـ, 10:23 صباحاً
 
والله لو تعزميهم بيكون أفضل وبتحصلي أجر تفطير الصائمين وأجر صلة الرحم ان شاء الله
وعشان ماتتعبي أطلبي من كل وحده فيهم تعمل طبق تحبه وتجيبه معها .. وبكذا راح يجتمع
عندك سفرة مشكلة وخلي تركيزك انتي على الفطور شوربة ولقيمات الخ مع طبق واحد رئيسي للعشاء تقدمي معاه اطباقهم
02-09-1426 هـ, 04:36 مساءً
 
الله يعينك يا اختي ...لو تتفقون كل وحده من خواتك وش تسوي احسن..اهم شء الشوربه والاطباق الرئيسيه احس المعكرونه والثريد اسهل..شئ المقالي زي السمبوسه الكبه بطاطس مقلي للعيال واللي عندك بالفريز.الخخخخخخخ.ولا تسين العصير اللبن ..احنا بعد الفطور نحط القهوه مع اللقيمات والشعيريه والبف اصابع الجبن....والله يفرج لك وتكسبين الاجر
02-09-1426 هـ, 09:45 مساءً
 


الساعة الآن 09:16 .