اخواتي قد عاهدت نفسي ان لا اييئس

اهلين اختي قطرات الثلج انا بساعدك بكل اللي تطلبينه مني واقدر عليه بالنسبه للهموم كلنا عندنا هموم ومشاكل وصدق الله حين قال (لقد خلقنا الانسان في كبد)
كل الناس يعانون واذا بالنسبه لبشرتك اكثري من شرب الماء والفاكهه والخضروات واحرصي على ترطيب بشرتك يعني لاتخلينها تجف استخدمي وقي شمس عند الخروح والله بتشوفين الفرق

اما بالنسبه للمكياج وتعلمه كلنا كنا مانعرف ومع الاطلاع تعلمنا حته حته مو شرط تكونين خبيره تجميل بس يعني تسدي حاجتك بيدك واذا بتدخلين عالم المكياج ماراح تلقين اللي يناسبك على طول لازم تجربين وتستشيرين وبعدين تشوفين اللي يصلح لك وهذا كله لكريم الاساس والبودره
اما بالنسبه لباقي المكياج مثل الظل (الشدوا ) واحمر الخدود (البلاشر) والقلوسات والارواج
هاذي في الغالبيه مناسبه للجميع في الغالبيه مو دائما

انا اشوف ماركه ايلجنت ونوبا مره حلوه واسعارها كويسه انتي تعلمي شوي شوي ولا انسى فالفضل يعود بعد الله الى هذا الصرح الشامخ منتديات عالم حواء استفدت كثير كثير كثير
انتي خليك متابعه هالمنتديات وراح تحسين بانك دخلت عالم اخر

اما بالنسبه للسواد في الجسم فيه اقنعه عند بودي شوب لتفتح البشره بس انا ماعمري جربتها لكن من عيوني بسألك ولو تبيني اروح اسألك عنها رحت لبودي شوب وسال لك اهم شئ لتضيقين خلقك الدنيا ماتسوا والله ماتسوا وانا تحت امرك في اي وقت واذا بغيتني اراسك عالماسنجر ماعندي اي مانع اقولها لك ولاي وحده في عالم حواء يسعدني اتواصل معاكم واللي تبي ايميلي تقولي


مع تحيات اختكم ومحبتكم

فيافي الحلوه

مرحبا عزيزتي
انتي لو سوييتي بحث بتلقين اشياء تسعدك وترجع لك الامل وتكتشفين ان عالم المكياج والعطور انثوي ومايحتاج كل هاليأس والهم
عزيزتي
ابدأي بتنظيف بشرتك زشوفي الشركه اللي تعطيكِ نتيجة طبيه وتكون طبيه مثل كلارينس او كلينك
خوذي منها اللي تحتاجينه من صابون وتونيك وكريم ليلي ونهاري ومقشر وقناع ..مع الاستمرار بتلاحظين التغير الكبير ببشرتك
جسمك حاولي دائما تدهنينه بزيت اللوز المر مع الجلسرين السائل قبل الاستحمام بساعه وتكونين لابسه شراب
وبعد الاستحمام تقشرينه كل اسبوع بمقشر افريكانو من بودي شوب
واستمتعي بالنعومه الخياليه ولاتنسين ترطيبنه بعد التقشير
اكثري من الاستغفار وقراءة القران تراها تنور الوجه وتريح الخاطر ..,,..

السلام عليكم ورحمة الله وبركاته

مبارك عليكم الشهر

اختي العزيزه الخوات ماشاء الله وفووا وكفوا

حبيت اقولج اني انا كنت اعاني نفس مشكلتج وانا بنفس عمرج يعني بالثلاثين

غيرت اسلوب حياتي ونظام اكلي لاني اكتشفت بعد محاولات كثيره بتغيير مكياجي واللوك اني لازلت اعاني من مشكلة المنظر الباهت في بشرتي مع اني تقنية في المكياج وعندي خبره في المكياج وعمل الخدع والتمويه في ملامح البشره بس صدقيني اذا كانت البشره تعبانه ما يفيد معها اي شي او اي لون واي مستحضر ... لكن الحين ولله الحمد فرق عن قبل يعني حتى لو ما حط مكياج بشرتي حلوه وناعمه ومنتعشه .... على فكره زيت الزيتون والملح كمقشر طبيعي حلووووووووووووو حيل وتبين نتايجه من اول مره وتدوم معكي فتره جربيه

لازم تعالجين مشكلتك من الداخل يعني تهتمين باكلك ونظامك الغذائي وانصحج بالفيتامينات روحي الصيدليه واطلبي فيتامينات ما تكون من النوع الفاتح للشهيه يعني ما تزيد بوزنك

وعملية التقشير الدوري للبشره والترطيب مهمه بعد مثل ما تفضلو الاخوات

واضحكي للدنيا تضحك لك ........انشاء الله تصيرين مثل ما تحبين واكثر


اتمنى الافاده للجميع

شوفي حبيبتي
الله يريح بالك ويحقق لك كل ماتبينه
اول شئ كثري من شرب المويه... واستخدمي الميلك "الحليب المنظف" والتونيك تلقينها بالصدليه ورخيصه ماهي غاليه وعندك نيفيااا حللوه مرتين باليوم وطريقتهاا مكتوبه عليهااا..
سويلك اقنعه من البيت مثلا زبادي مع عسل
نشا مع مويه ورد رووووووووعه
حمص مع زبادي وعسل
كل يوم امسحي وجهك بمويه ورد
وراح تلاحظين وجهك بدا يفتح وتحلوووين الله يحليك ويحلييينااااا ياااااارب
وذا تقدرين تروحين لدكتوره جلديه روحي لهاااا واشكي لهاا مشاكلك والله يفتحهااا عليك وعلينااا يارب

الله يسعدج
واهم شي انج تحسيين نفسج بالسعاده والرضااا
وحاولى انج تعرفين سبب الحبوب الى فوجه وترى السنا علاااج لكل الحبوب الى فالوجه بس انتى داومي عليه شهريا..والماسكاااات الطبيعيه..

فى كريم أسمه لوكسيدا من مصر للحبوب انا جربته لتقسير الوجه وربي يخلي الوجه منور
بس تركته وبديت بالمسكات الطبيعيه لانه فيه كيماوياات من ريحته..


لو احتجتي اي استفسار راسليني فالخاص