خواتى .قريت مره فى منتدى حواء قسم الطبخ .
انك اذا حطيتى ملعقة خل فى زيت القلى وهو بارد ,وبعدين قليتى فيه ما يشرب الاكل اللى قليتى زيت .
واختكم ما كذبت خبر وسوت الطريقه وتعالوا شوفوا لما سخن الزيت تقولون اللهم ياكافى براااكين وفقاعات الوحده كبر راسي.لكن ربى ستر ولحقت وطفيته وكبيت الزيت .
بنات احد منكم جربها والا الدعوى مزحه ثقيله .

اميرة الايام..ماتشوفين شررر ..

وان شاءالله البنات يفيدونج بالمعلومه..
بس دامج شفتي النتيجه بنفسج ..
اقترح عليج انج ماتكررين التجربه المرعبه..

وسلامتج..والحمدل له ماصار فيج شي
Nouvelle.
الشر ما يجيك ياعمرى.
والله مهيب من طبعى انى اصدق واجرب كل اللى ينكتب بس يوم شفت الدعوىقلى ولا فيه زيت قلت اجرب .
وتسلمين على الرد
.
[quote=أميرة الأيام]خواتى .قريت مره فى منتدى حواء قسم الطبخ .
انك اذا حطيتى ملعقة خل فى زيت القلى وهو بارد ,وبعدين قليتى فيه ما يشرب الاكل اللى قليتى زيت .
واختكم ما كذبت خبر وسوت الطريقه وتعالوا شوفوا لما سخن الزيت تقولون اللهم ياكافى براااكين وفقاعات الوحده كبر راسي.لكن ربى ستر ولحقت وطفيته وكبيت الزيت .


********************

اختي الغالية أميرة الأيام

اول شي احب اقولج الحمدلله على سلامتج واشوه انها وصلت عندج على الفقاعات والاصوات
يااختي اكبر خطأ انج تحطين الماي او اي شي سائل للزيت اثناء الطبخ ومثل ماانتي عارفه الزيت الحار سريع الاشتعال وشلون لما تحطين عليه الخل!!!! راح يصير مثل الفراقيع والزيت بعيد الشر راح يتطاير وطبعا بيكون حار ويسبب حروق ..واحنا لما نقلي الشبس ولا الدجاج مرات تتطاير بعض نقط من الزيت مع ان الشبس او الدجاج بدون ماي وشلون لما نحط الخل بنفسنا للزيت ؟؟؟؟
انا ماودي اخوفج بس الحمدلله انج بخير ولا صابج شي من هالزيت المتطاير
ومهما صار ولا اي احد قالج شي تحملي تحطين اي سائل للزيت واهو حار مهما كااااااان..
هذي اول مشاركه لي معاكم بس بصراحة ماقدرت اتحمل من قريت موضوعج وحسيت ان وحده من خواتي صار لها هالشي وعلى طول رديت ..وسامحيني اذا كان اسلوبي زعلج بس والله هذا من خوفي عليج..

تحياتي لج وللجميع
نوارة قطر
اختي انا مجربه اني احط البطاطس قبل ما اقليها في ماء دافيء وملح لمده ساعه تقريبا بعدين اقليه ويطلع زين


الحمدالله
.. صرت أم فهد بدل أم ملاك ..

" قصة ولآدتي "


الساعة الآن 09:22 .