قبل ما ابدي بالقصة باقولكم نبذة عني
اسمي الفراوله البيضاء بس اني كاتبه بسضاء اصلن كل ما اكتب اسم يطلعلي الاسم مستخدم حتى خليته الفراوله البسضاء و المهم عمري20 سنة اني من سلطنة عمان من صلاله..
قال اخي:
امس وانا واقف ع السوبر ماركيت وبحمل الاااغراض ع فكره تعبت وانا بحمل الاغراض اللي سمع يقول طلع بثلاث عربانات وهي كلهاا كيس المهم .
وقف وااحد بجني ونزل بيسلم وانا اقول الرجاال غلط شكله
كيف حالك يا عبدالله وانا الحمد لله
كيف اهل البيت يا عبدالله ؟؟ وانا ارد واقول له الحمد لله
كيف الوالد والوالده ؟؟ وانا ارد الحمد لله
وعلقت معي الحمد لله وانا بفكر من هذا ؟؟
من هذا ما عرفته ؟؟وشويه قال لي ما عرفتني ؟؟ قلت له اسمح لي والله المميري قدهاا تعباانه وكل يوم اقول بشتري وحده جديده وانسي
ما عرفتك ؟؟ من انت ؟؟
قال لي سعيد بن سالم
قلت له ما عرفتك
قال يا رجاال سعيد بن سالم جيرانكم زماان
العقل ما بغا يشتغل وسبب لي احراج
قلت له سمح لي بعد ما عرفتك
ااخر شي من تعب مني قاال
انا تعيد بن تالم
ههههههههههههههههههههههههههههههههه
وافتقش من ضحك كاان جيت ع خورتي يوم قااال لي تعيد بن تالم
:2thmup: :2thmup: :2thmup:
قلت ايوه ايوه عرفتك تعيد بن تالم ولد جيرانا
كيف عمي تالم اقصد سالم ؟؟؟
ههههههههههههههههههههههههه
المهم هذا تعـــــــــــــــــيد بن تالـــــــــــــــــم
قصته قصة
حرف السين عنده يطلع تااء ما اعرف ليش يمكن زعل عليه وطرده من لسانه
وزماان في يوم من الاياام
عبدالله جالس بيشوف الرسوم المتحركه وحااط رجل على رجل
ما تدخل علينا جارتنا ام سعيد بن تالم
وبتسئل حد شااف سعيد ؟؟
سعيد عندكم ؟؟
اسمع الوالده بترد عليهاا
لا سعيد ما جاء ولا شفنااه اليوم ليش ؟؟
طلع الاخ سعيد مختفى ولا حد يعرف وين راااح
وتدهفني الوالدة دهفه تقول روح دور عليه
وايش دخلني ادور عليه خبل حق بليس بغيت اشوف التلفزيون
المهم قالوا لي روح الدكااان يكون جالس هنااك
اعدي ركض :7_5_127:لدكاان واحصل الهندي واسئله في شوف سعيد
يرد علي من سعيد انا ما في معلوم سعيد
قلت له ما في سعيد تعيد تعيد
ههههههههههههههه ساعتها عرفه الهندي قااال لا ما في يجي مني
رجعت للبيت احصل الوالده وام سعيد منتظرات الناااصر صلاح الدين ياخا بيجيب الخبااار
هاه حصلته ؟؟
قلت لهن لا ما حصلته وتشهق ااام سعيد وتجلس تبكي لا يكون حد خطفه
ههههههههههههههههههههههههههههههههههه
على ايش يا حسره يخطفونه
ردت الوالده شوفي يمكن راح مع اوبه قالت ام تعيد لالا تالم اقصد سالم راح ثمريت من بعد صلاه العصر
ونحنا في تدوير من مكاان لمكان ومن بيت لبيت
استغفر الله حتا شكوا في حرمه ياخا مخبيته عندهاااا
المهم على ما اذكر يا بعد صلاه المغرب تقريباا كذ اا
المهم دخل الليل
ونحنا جالسن في الشاارع منتظرين تعيد بن تالم يظهر :angry2::angry2:
والحريم بيلطمن واامه قدهاا مسك مسك ما ناقص الا تشل الطين وترميه فوق رااسها من فجعتها ع ولدهاا
نشوف الكروزر الجاايه من بعيد سياره عمي تالم
وبغينا ام تعيد تسكت لما شافت سياره زوجهاا وتعوي تقول سياره المطاافي
وتقرب السياره ونشوف تعيد القازح قداام
الحين الكل فرح من شفنااه وهو شكله بصرااحه يسد النفس :icon8:
:7_5_131::7_5_131::7_5_131:
بس بغينا نعرف تعيد من وين جااء وكيف جااء مع ابوه؟؟ والرجال جاي من ثمريت ووين حصله ؟؟؟
ونزل بو تعيد من سيارته وبيخبرنا بالقصه انه لما رااح لثمريت وقده في نص الطريق يتفاجاء بتعيد اللي طلع له من دبه السياره ههههههههههه اثاري تعيد ولده تخبى في الدبه عشاان يروح معه .
وبعد مرور العديد من الثنوات رجع حرف السين الى مكااانه الطبيعى ووجد مستقر له في لثاان تعيد بن تالم
بعد ثنوات من الغربه بعيد عن الاهل وعن اصحابه حروف الهجااء
وتم عقد جلسه صلح بين حرف السين وحرف التااء الا يتدخلون في شؤن بعضهم البعض وان يتم احترام المواثيق والمعاهداات الدولية .:talker: :talker: :talker:
وخلصت القصه وبغيت الاعجاااب يقرح يقرح من الشاشه والرود والا ما عاد شي قصص ثاني مره