مشكلة بشرتي ساعدوني

السلام عليكم ورحمة الله وبركاته ..
كيفكم , ان شاء الله بخييير . :)

بصراحه مدري كيف ابتدي في مشكلة بشرتي

عااانيت عاانيت والله من بشرتي حساسه وفيها حب شباب مع اني بيضاء ومملوحه بس مع الحساسيه يطلع احممر :(
كرهت نفسي وسبب لي عقده نفسيه هالحب الشباب
من كان عمري 11 سنه كان بادي في خشمي لما صار عمري 19راح عن خشمي وابتدى في خدودي ماخليت ولا علاج ولا خلطات كل العلاجات حطيتها رحت لدكتور فتحت لي ملف عنده وصار لي جلسات مرتبه مع العلاج سوا لي تحاليل حتى يشوف هل تناسب مع الحبوب اللي بيعطيني او لا صار تحاليلي كويسه واعطاني وصرف لي حبوب اسمها (روكتان) قال لي بعد ماتاكلينها تجلسين 6 شهور ما تتزوجين بعد هالست الشهور عادي لأن تسبب تشوهات في الجنين خلال هالست شهور لو كتب الله حمل المهم اكلها ثلاث مرات في اليوم بعد ما خلصتها رحت له وصرف لي نفسها بس قوتها اخف من الاولى وعلى هالحال والله لا يعيدها سببت لي جفاف في العين ماعاد صرت استحمل يكفي هالحبوب اللي بوجهي تجي عيني رحت اعالج عيني والحمدلله لكن مافاد مع الحبوب هو المستفيد 188 ريال كل شهر المهم تركتها ماعاد اكلتها الحين تميت سنه تعقدت كنت بسوي ليزر بس وحده اعرفها سوت ورجع اعظم مافاد شي

وكل ماطلعت مع اهلي خالاتي يسألون ايش اللي فيك مليييت ماعاد احب اطلع سألتي خالتي كم مره رديت عليها وانا ضايقه قلت انا اللي حاطته فيني حتى اقولك ايش هذا ؟ من الله ايش اسوي فعلت اللي بيدي ولافاد شي صرت اتعذر اقول لأهلي تعبانه ماشتهيت اطلع لان تجيني احراجات صراحه ماعاد صرت واثقه من شكلي اشوف البنات صراحه وانقهر واقول الحمدلله واتذكر (أن الله أذا أحب عبدا أبتلاه)

لكن ابي حل والله اني اكتب وابكي

كنت اتمنى اعييش لو يــــــــــــــوم واحد بشرتي صافيه كل مازاد اجلس اروح لغرفتي وابكي :(

لاتقولون هذا شي واقعي في بعض البنات بسن المراهقه يجيهم انا جايني من كنت صغيره قبل ابلغ :( :'(