السلآم عليكم ورحمة الله وبركآته ..

لكل جميله تهتم بنفسهآ شرفت موضوعي الثآني ( وردهـ )

مآحب أطول .. نخششش في الزبده ونغوص بالسمنه 😁



<< متعوب عليه

في بدآيآت إهتمآمي سويت هالبرنآمج الخفيف الظريف اللي بالنسبه لي كنز
مثل مآ ذكرت بالموضوع وسميت هالبرنآمج ( بونكسي ) لأنه 1x3  ينظف ويقشر ويفتح وأكثر ..

أبداً ما اخترعت شي بهالبرنآمج سوآ إني رتبته ..
ومآ أنسب شي فيه لي ..!

البرنآمج يحتوي على  [ مقشر + مرطب + صآبونيه + حآد للسليوليت ] وكلهآ بالبيت
طبيعي ويبي له وقت .. لكن يستآهل لأنه خفيف وسهل وريحته طيبه ونتيجته تفرح .
وأحلى مآ فيه تستخدمينه بأي وقت مآله وقت محدد أو ملزم ..

كيف أستخدمه ؟؟!
أحط الخلطه الصآبونيه ( صابونية دووف المشهوره طريقتهآ :
 صابونة دوف الورديه مبشوره تذوب على نار هادئة مع شوية ماء ورد او حليب ثم نضيف 6 م عصير ليمون +1 م ص جيليسرين مع التحريك ثم زيت اللوز للحصول على كريمة ثم ضعوا الخليط في علبه في الثلاجة لحد الإستخدآم << أنآ حآطتهآ بحمآمي ومآ ضرهآ
 )
و ( أنآم - أشتغل - أطلع للسوق - أقعد عالنت ) ع رآحتي
بس انتبهوا تتحمسون بقوه وتطلعون فيه للعزآيم ههههههه << مآ تضحكين 



وبعد مآ أمل << لآحظوا مآ فيه وقت محدد للصآبونيه عالجسم ع راحتك ..!
أدخل أعزكم الله دورة الميآه وأكون مجهزه مقشري ( فنجآن حليب بودره وفنجآن ملح ) << تقدرون تستخدمون ملح الحليب اللي هآبين فيه ، لكن استغنيت عنه لأنه يسبب لي حسآسيه وحبوب وأحيانا طفح جلدي وأحس إن الطبيعي أجمل نتيجه .



وأكون مجهزه علآج السليوليت ( نسكآفه وقهوه بالمقدآر اللي يكفيك ) 
<< برضوا فيه ألف شغله وألف كريم بديل لهالشي لكن أخترته لفوآئده العظيمه ولتنشيطه للدوره الدمويه ومعروف عند المشآهير  بكل حمآم يسوونه وفيه نآس تقول ينحف ! بس مآ صدقتهم ولأني مسويه كريم مرطب نهآية الشآور فاستغنيت عن الكريمآت ..



أغسل الصآبونيه زيييييين بليفة بودي شوب القفآز وأتأكد نظفت منهآ وأبدأ بالمقشر الحليب والملح وأفرك بحركه دآئريه بشويش << مآ يحتآج أعلمكم خبره مآ شآء الله ..
وبعدين أغسله واتنشف واتروش بمويه دافيه وافرك بالنسكافه والقهوه وبعدين اغسل جسمي بصآبونة الطآؤوس المغربيه .. << معروفه بعد ..

واتنشف زين واحط المرطب الي هو ( لوشن جونسون بودي كير الوردي وآحياناً أرطب فازلين الأصلي ) 



تبآن النتيجه بالكثير اسبوووع او بعد من ثالث استخدام ..
على الله ثم على هالبرنآمج حسيت إني بنت من جد لون ونعومه وفررررق شآسع وريحه طيبه ومنعشه ..
مع اني كسووووله ومآ أدآوم عالشي .. 
يعني أسحب عليه كثييير ومع ذلك نتيجته روووعه ..
وعطيته بنت خآلي صديقة عمري واعتمدته وطايره من الفرح فيه ..
تركته لأني حبيت أجرب أشيآء ثانيه لكن الحين برجع لهآ
لأني على كثر ما استعملت من طبيعي لكيميآئي مآ شفت مثل نتآيجهآ ..!
وبالنسبه لي أحس نتيجته سريعه ..!

وبس ، هذآ أول برنآمج لي .. 
وإن شآء الله يعجبكم وتستخدمونه وتنبسطون عليه ❤❤
قيموني الله يرضى عليكم ..
الجآيآت أكثر بإذن الله ..❤

تذكير لك أختي المسلمه : تأكدي لآ شيء سينفع دون صلآة وعبآده ..!!

أستغفر الله ، أستغفر الله ، أستغفر الله ..

سبحآنك اللهم وبحمدك ، أشهد أن لآ إله إلآ أنت ، أستغفرك وأتوب إليك ..❤

موضوعي السآبق : http://forum.hawaaworld.com/showthread.php?t=3895913

موضوع رائع
يجزاك الله خير
بسم الله الرحمن الرحيم
(( وقل رب أدخلني مدخل صدق وأخرجني مخرج صدق و اجعل لي من لدنك سلطانا نصيرا ))
استغفر الله الذي لا اله الا هو الحي القيوم وآتوب إليه
آللهْ يجزاك خير اختي برنامجك سهل وحلو 
جزاك الله خير
جزاك الله خير
المنتجات الكويتية الحصرية مرشات وبخور ومجموعات عطرية حصرية لدينا فقط


الساعة الآن 09:07 .