ربي فرج هم من تفرج همي وافتح لها جميع ابواب الرزق

                                    مساء الخير

ي الغوالي..ي صاحبات الفزعه..ي اخواتي في هذا المنتدى الغالي
آبيكم تساعدوني واطمنوني لأني تفكيري انشل صراحه وذبحني الهم وانا مااعرف بها السوالف..
انا بكريه وحسيت بنفس أعراض الدورة وكان ذاك اليوم فعلاموعد قدوم الدوره وكنا وقتها بنروح عمره قلت خلاص ي بنت مالك الا تأكلين حبوب منع الدوره بريمولت وشريتها فعلآ وأكلتها
جلسنا بمكه اربعه ايام فاليوم اكل حبتين وحده الساعه 12الظهر وحده الساعه12فالليل وكان يجيني مغص أعوذ باالله يجي ويروح
يقطعني تقطيع فلما رجعنا تركتها قلت الحمد لله ان الله وفقني وما نزلت علي الدوره..قلت خلاص الحين بتركها عشان الدوره تنزل وتركتها انتظرت الدوره تنزل بعد 3ايام وللأسف ما نزلت .انتظرت زياده يوم يومين ثلاثه مانزلت
وكنت ما أشتهي الأكل ولا اطيقه فرحت حق وحده ممرخه قالت يلزمك تمريخ ومرختني مره قالت بقي لك يومين تجين عشان امرخك
فرحت من عندها ومارجعت لها مره ثانيه ..قلت بشوف المستشفى وش يقول
ولما سويت تحاليل طلعت النتيجة أني حامل ولله الحمد😊
بس المشكله احس ماني مرتاحه كله افكر بالحبوب اللي أكلتها وسالفه التمريخ هل فيها ضرر على الجنين😔 ..ابي اي وحده صار لها نفس هاالموقف اطمني وتريح بالي ،،
وأبي منكم ي الحبيبات تقولو لي وش احسن مستشفى بالرياض لمتابعه الحمل
ربي يوفقكم ويستر عليكم ويرزقكم بالحمل المعافى السليم ،،،